AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Keçmiş ərindən Zeynəb Məmmədyarovaya ittihamlar: “Bu qədər nankorluq olmaz”


Tarix 25.05.20, 14:35	Font ölçüsü : - / +

"Alimenti övladlarım üçün ödəyirəm, amma o özü üçün də pul istəyir. Mənim belə bir niyyətim yoxdur”.

Axşam.az xəbər verir ki, bu sözləri şahmat üzrə beynəlxalq dərəcəli qrossmeyster Zeynəb Məmmədyarovanın aliment ödəmədiyini iddia edərək məhkəməyə verdiyi keçmiş həyat yoldaşı Ülfət Tanrıverdiyev, məsələ ilə bağlı Yeniavaz.com-a açıqlama verərkən deyib. O bildirib ki, Z. Məmmədyarovanın iddialarının əksinə, hər zaman aliment ödəyib:

“Qeyri-rəsmi olaraq biz onunla 2015-ci ilin iyunundan boşanmışıq. Lakin bu haqda məhkəmə 2016-cı ildə baş tutub və rəsmi məhkəmə qətnaməsi 2017-ci ilin yanvarında bizim əlimizə çatıb. Amma 2015-ci ildən mən ona qeyri-rəsmi şəkildə aliment ödəməyə başlamışam. Rəsmi şəkildə boşandıqdan sonra da bu proses davam edib. 2017-ci ilin fevralında ABŞ-a köçdüm. Bir müddət iş axtardığım və sənədləşdirmə işlərini tamamlamağa çalışdığım üçün aliment ödəyə bilmədim, yenə də mütləq bəzi kiçik ödənişlər edirdim. Daha sonra hər şey qaydasına düşdükdən sonra isə ödənişləri davam etdirməyə başladım ki, əksəriyyətinin də qəbzi məndə mövcuddur, çünki ödənişlərin bəzilərini əldən göndərmişəm. Ödənişlərdən əlavə isə hər zaman övladlarıma müxtəlif hədiyyələr alıb göndərmişəm. Bunu Bakıdakı bir dostumun əli ilə edirdim. Həmin dostumda mənə məxsus ABŞ banklarından birinin plastik kartı mövcuddur”.

Ü. Tanrıverdiyev bildirib ki, Z. Məmmədyarova bu üsulla evini onun əlindən almaq niyyətindədir:

“Sumqayıt şəhərində evim var. Hazırda keçmiş həyat yoldaşım övladlarımla o evdə yaşayır. Amma ev mənə məxsusdur. Mənə dəfələrlə deyib ki, evi, uşaqların hüquqi mülkiyyəti kimi qeydiyyata sal. Bu üsulla məndən evi almaq istəyir. Mən alimenti övladlarım üçün ödəyirəm, amma o özü üçün də pul istəyir. Mənim onun özü üçün də pul ödəmək kimi niyyətim yoxdur. Bu qədər də nankorluq olmaz”.

Xatırladaq ki, Axşam.az şahmat üzrə beynəlxalq dərəcəli qrossmeyster Zeynəb Məmmədyarova 2017-ci ildə boşandığı Ülfət Tanrıverdiyevi uşaqlarına görə aliment ödəmədiyini iddia edərək məhkəməyə verdiyini yazmışdı. O, buna görə xeyli miqdarda borcunun yığıldığını iddia edib.

Qeyd edək ki, onların bu evlilikdən 2 övladı var.