AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Məcburi köçkün yataqxanası: Zibillik, nəmişlik və siçovullar...


Tarix 06.12.19, 9:03	Font ölçüsü : - / +

"Füzulidə 2 mərtəbəli evimi qoyub gəlmişəm, bizim mal-heyvanımızın yaşadığı yer burdan yaxşıydı. 1 otaqda 6 nəfər yerləşmişik".

Bunu Toplum.Tv-yə Füzuli rayonundan olan məcburi köçkün, hazırda Yasamal rayon, İ. Zülalov küçəsindəki yataqxanada yaşayan Rahilə Qəhrəmanova deyir.

Yataqxanada 26 ailə, ümumilikdə isə 400 yaxın məcburi köçkün sığınacaq tapıb.

Burada yaşayanlar əsasən, Ağdam, Zəngilan, Füzuli rayonlarından olan məcburi köçkünlərdir.

Məcburi köçkünlər yataqxanadakı baxımsızlıq və şəraitdən şikayət edirlər.

"Yataqxanada hamam ödənişlidir"

Yataqxanada apardığımız çəkilişlər zamanı məlum oldu ki, durum, doğrudan da, acınacaqlıdır. Belə ki, burada ayaqyolu və hamamlar da ümumidir. Yəni 5-6 ailə eyni ayaqyolu və hamamdan istifadə edir. Ən acınacaqlısı odur ki, ayaqyoluların qapısı yoxdur. Hətta hamam ödənişlidir, hər dəfə hamamda çimmək üçün 50 qəpik pul ödəməli olurlar.

"Uşaqlarımız evlənmir ki, yaşamağa yerimiz yoxdur"

Ağdamdan olan məcburi köçkün Cahan Qoçuyeva deyir ki, övladlarının yaşı 30 keçir, ev, şərait yoxdur deyə evlənmirlər. O həmçinin bu şəraitin onların sağlamlığına da zərər vurduğunu, övladının ağır xəstəliyə düçar olduğunu deyir.

Cahan Qoçuyeva özü də 3 ağır xəstəliyin daşıyıcısı olduğunu bildirib.

"Bundan sonra ev də versələr, istəmirəm"

Onlar burada əllərini sallayıb yaşamadıqlarını, şəraiti düzəltmək üçün cəhd etdiklərini də qeyd ediblər. Bəzi evlərin önündə gördüyümüz filterlər, antena qurğuları, hətta evlərini bir az da böyütməyə cəhd göstərənlər, bir-birinə dolaşmış iplər, pəncərə kənarındakı çiçəklər az da olsa, fərqli mənzərə yaradır...

Əslən Zəngilandan olan məcburi köçkünlərdən biri gəncliyini bu yataqxanada itirdiyini deyir: "Bundan sonra ev də versələr, istəmirəm. 19 yaşımdan burdayam, cavanlığım gedib, nəyimə lazımdır bundan sonra şərait?".

Zibillik, nəmişlik və siçovullar...

Yataqxananın arxası isə zibillikdir. Pəncərəni açdıqda isə bir neçə siçovulun zibillərin üzərində oynaşdığını görürük. Divarların nəm olduğu, əslində isə 2-ci mərtəbənin kanalizasiyasının aşağı, divara axdığı aydın görünür. Bu mənzərəni demək olar ki, hər gün seyr edənlər, canlı şahidlər isə artıq yorulublar, hətta şikayət etməkdən də...

Dövlət Komitəsi: "Məcburi köçkünlər mərhələli köçürülür"

Qaçqın və Məcburi Köçkünlərin işi üzrə Dövlət Komitəsinin mətbuat xidmətinin rəhbəri İbrahim Mirzəyev isə Toplum.Tv-yə deyib ki, məcburi köçkünlər üçün yeni yaşayış kompleksləri inşa edilir: "Yeni salınmış yaşayış komplekslərinə hələ də qəzalı və ağır şəraitdə yaşayan məcburi köçkün ailələri köçürülür. Qeyd edilən ünvanda məskunlaşmış məcburi köçkün ailələrinin növbəti mərhələlərdə yeni mənzillərə köçürülməsi nəzərdə tutulub".

Rəsmi məlumata görə, 2019-cu il büdcəsi zərfinə əsasən, 2019-cu ildə "Qaçqınkom"a 2 milyon 705 min 395 manat maddi vəsait ayrılıb. Məcburi köçkünlər isə hələ də ağır şəraitdə "gözləmə zalı"ndadırlar...

Xəbərin oxunma sayı : 244