Fanat.Az xəbər verir ki, Nikola Yurçeviçin rəhbərlik etdiyi kollektiv "Bakcell Arena"da Macarıstan yığması ilə qarşılaşıb. Görüşü Kevin Blomun başçılıq etdiyi hollandiyalı hakimlər briqadası idarə edib.

Bu milli komandanın E qrupunda ikinci, macarların isə üçüncü oyunu olub. Matçda sürpriz qeydə alınmayıb. Tsiklin ilk oyununda səfərdə Xorvatiyaya 1:2 hesabıyla yenilən təmsilçimiz doğma meydan amilindən faydalanmağı bacarmayıb. Qonaqların vurduğu 3 qola Mahir Əmrəli təsəlli topu ilə cavab verib. 

 Azərbaycan millisi 3 gün sonra Slovakiyanı, Macarıstan isə Uelsi qəbul edəcək.

AVRO-2020

Seçmə mərhələ

III tur

8 iyun

Hakimlər: Kevin Blom, Bas van Dongen, Johan Balder, Serdar Gözübüyük (Hollandiya).

Bakı. "Bakcell Arena"

Azərbaycan: 1. Səlahət Ağayev, 2. Qara Qarayev, 4. Rahil Məmmədov, 5. Maksim Məmmədov (k), 6. Bədavi Hüseynov, 10. Mahir Əmrəli, 11. Ramil Şeydayev, 13. Dmitri Nazarov, 17. Renat Dadaşov, 18. Anton Krivotsyuk, 20. Riçard Almeyda

Baş məşqçi: Nikola Yurçeviç

Macarıstan: 1. Peter Qulaşi, 2. Botond Barat, 3. Mixali Korhut, 6. Villi Orban, 7. Balaş Cucak, 8. Adam Naqi, 9. Adam Szalai, 10. Dominik Szoboszlay, 14. Gerge Lovrençiç, 15. Lazlo Klaynhaysler, 18. Dominik Naqi

Baş məşqçi: Marko Rossi