Leççenin mərkəzi prospekti ilə yürüşə çıxan nümayişçilər əllərində “No TAP” yazılmış plakatlar daşıyıblar. Aksiyada Melandunyo, Vernolle, Kalimera, Karparik şəhərlərinin merləri, habelə digər qonşu şəhərlərin bələdiyyə üzvləri, tələbələr, yaşlılar və bir-birinə antaqonist olan digər qruplar iştirak ediblər. Aksiyada heç bir siyasi partiyanın və həmkarlar ittifaqlarının bayraqları yer almayıb.

Yürüşün keçirildiyi bütün marşrut boyu güclü təhlüksizlik tədbirləri görülüb, polis vertolyotu əvvəldən axıra qədər yürüşçülərə havadan nəzarət edib. Nümayiş ərzində heç bir qarşıdurma qeydə alınmayıb, lakin aksiya başa çatandan sonra yüz nəfərlik qrupla polis arasında kiçik qarşıdurma olduğu, 4 nəfərin saxlanıldığı bildirilir.