Axar.az xəbər verir ki, bu barədə informasiyanı NBC televiziyası yayıb. Məhz Linin Pekinə ABŞ casusları haqqında məlumat ötürdüyü iddia edilib. Bunun da nəticəsində MKİ-nin 20 casusu Çində ya öldürülüb, ya da həbs olunub:

“Liyə qarşı casusluq ittihamı ictimailəşdirilməyəcək. Hökumətin ya bununla bağlı kifayət qədər sübutu yoxdur, ya da onlar məxfi məsələlərin məhkəmə zalına çıxarılmasını istəmirlər”.

Qeyd edək ki, 53 yaşlı Li 2012-ci ildə həbs edilib. Honkonqda yaşayan Li MKİ üçün 1994-cü ildən çalışmağa başlayıb və məxfi informasiyaların sahibi olub. 2012-ci ildə Federal Təhqiqatlar Bürosu tərəfindən ABŞ-da həbs edilən Linin üzərindən MKİ-nin onlarla xəfiyyəsinin adı olan dəftər çıxıb.