Virtualaz.org-un məlumatına görə, bunu jurnalistlərə kənd təsərrüfatı naziri Heydər Əsədov deyib.

Nazir qeyd edib ki, Azərbaycanda qida təhlükəsizliyinin təmin olunması funksiyası bir neçə orqan arasında bölüşdürülmüşdü. Bu orqanlardan hər biri işin müəyyən hissəsini yerinə yetirirdi ki, bu da nəzarəti bütünlüklə təmin etməyə imkan vermirdi: “Agentliyin yaradılması nəzarəti təkcə bir struktur çərçivəsində təmin etməyə deyil, həm də məhsul üzərində tarladan son istehlakçıya qədər hərəkəti boyunca nəzarəti həyata keçirməyə imkan verəcək”.

H.Əsədov onu da bildirib ki, Azərbaycanda müxtəlif kənd təsərrüfatı sahələrinin inkişafı üzrə proqramların qəbul olunması bu sahələrdə idxaldan asılılığı əhəmiyyətli dərəcədə azaltmağa imkan verəcək.

Konkret çəltikdən danışan nazir xatırladıb ki, ötən il onun idxalına 36 milyon dollar vəsait xərclənib: “Azərbaycanın çəltiyə olan tələbatı 40 min tondur. Tezliklə Koreya istehsalı çəltikəkən, şitiləkən gətirəcəyik ki, çəltik istehsalını kütləvi şəkildə artıraq. Seleksiya işlərinə fikrir verməliyik. Biz düyüyə olan tələbatı tam ödəməliyik".