AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

““REAL“ MTK-da baş verən cinayətlərə göz yumulur...“ - Baş Prokurorluq əsas sübutları niyə araşdırmır?


Tarix 17.02.21, 20:58	Font ölçüsü : - / +

"Yanvarın 26-da mətbuatda dərc olunmuş "Tikinti şirkətinin heyrətamiz dələduzluğu" başlıqlı məqalədə mənim "Real" MTK tərəfindən üzləşdiyim qanunsuzluqlardan bəhs olunurdu.

Həmin yazıdan sonra düşündüm ki, Baş Prokurorluq MTK-nın bizdən 3 mənzil və 2 qarajın sənədlərini qəsdən gizlədərək, təkrar ödəniş tələb etməsinə görə qanuni tədbir görəcək. Amma təəssüf ki, Baş Prokurorluq əvvəllər olduğu kimi "Real" MTK-nın cinayət əməllərinə göz yumaraq, ona "mülkü məsələ" donu geyindirdi. Bunu isə 05 fevral 2019-cu ilə tarixində Korrupsiyaya Qarşı Mübarizə Baş İdarəsinin verdiyi qərarla əsaslandırdı. Həmin qərar əsasən, bizim iş guya mülkü məsələ hesab edilərək rədd edilib".

Bu fikirləri "AzPolitika.info"-nun redaksiyasına gələn şikayətçi, "Real" MTK-nın qanunsuz əməllərindən zərər çəkmiş Vəli Novruzov bildirib. O, əməkdaşımıza son 3 il ərzində hüquq - mühafizə orqanların ilə yazışmalarını, onların iş üzrə verdikləri qərarları, məhkəmə qətnamələrini, habelə cinayət işində əsas sübut sayılan səs yazılarını təqdim edib.

İşin mahiyyətinə gəldikdə, qeyd edək ki, Vəli Novruzov 2009-cu il may ayının 23-də müqavilə əsasında "Real" MTK-dan 3 mənzil və 2 qaraj alaraq dəyərlərini 2011-ci il yanvar ayının 4-dək hissə-hissə üç dəfəyə ödəyib. Yalnız oğlu Elvin Novruzovun adına olan 158 saylı mənzildən 18 540 manat borcu qalıb.

"Real" MTK ilə belə razılığa gəlinib ki, qalan məbləği mənzil və qarajların "Çıxarış"ları verilən zaman ödəsinlər. Amma kürəkəni Gəncəli İsmayılov 2017-ci ildə mənzillərdən birinin maliyyə arayışını itirib. Sənədi təkrar almaq üçün MTK-ya müraciət etdikdə ona maliyyə arayışını verməkdən imtina edərək bildiriblər ki, ümumiyyətlə ödəniş olmayıb.

Daha sonra şirkət rəhbərləri qalan 2 məznilin də müvafiq səndələrini gizlədərək, V. Novruzova MTK-ya heç bir ödəniş edilmədiyini deyiblər. Bu dələduzluq hadisəsindən sonra Vəli Novruzovun şirkət nümayənədləri, onları himayə edən hüquq-mühafizə orqanları əməkdaşları və hakimlərlə "savaşı" başlayıb.

V. Novruzov bildirir ki, Korrupsiyaya Qarşı Mübarizə Baş İdarəsinin 05 fevral 2019 tarixli qərarından 6 ay sonra - avqustun 1-də Bakı Apellyasiya Məhkəməsi "Real" MTK işçilərinin, xüsusən şirkətin mühasibi Adilağa Hüseynovun əməllərində Cinayət Məcəlləsinin 308, 309, 313, 29-cu və 178-ci maddələrinin müəyyənləşdirilməsi üçün xüsusi qərardad çıxararaq, baxılması üçün Baş Prokurorluğa göndərib. Lakin həmin vaxtdan 1,6 il vaxt keçməsinə baxmayaraq, qərarddan heç bir xəbər yoxdur.

Şikayətçi daha sonra bildirir ki, adıçəkilən İdarəyə 2017-ci ildə təqdim etdiyi səs yazılarının ekspertizası bu günə qədər keçirilməyib. Prokurorluğun İstintaq İdarəsi əsas sübut olan bu faktı 3 ildir diqqətdən kənarda qoyur: "Əgər, həmin ekspertiza keçirilərsə, "Real" MTK əməkdaşlarının əməllərində Bakı Apellyasiya Məhkəməsinin qərardadında göstərilən cinayətlərin olduğu sübut olunar. Dəfələrlə müraciət etməyimə baxmayaraq, səs yazısının hansı səbəbdən ekspertizadan keçirilmədiyi barədə mənə məlumat vermirlər. Mən illərdir, bu qanunsuz əməllər barədə yazıram. Amma dövlət qurumlarının əməkdaşları onları biri-birinə ötürürlər, nəticədə karusel davam edir. Cinayət faktı araşdırılmır, baş verən qanunsuzluqlara göz yumulur".

V. Novruzov qeyd edir ki prokurorluq orqanları onun şikayətlərini qəsdən araşdırmamaqla və mülkü işə çevirməklə "Real" MTK-ya əməllərini davam etdirməyə şərait yaradırlar.

Nəticədə MTK ondan Nərimanov və Binəqədi rayon məhkəmlərinə şikayət edib: "Mənim məhkəmələrdə, xüsusən, Nərimanov rayon Məhkəməsində nələr çəkdiyimi bir Allah bilir. Hakimlər Fuad Abdıyev, Solmaz Ədilova mənzillərimi iki dəfə "Real" MTK-ya qaytarıb, hətta ayrıca qərardad çıxararaq mənim evlərə girişimə qadağa qoyublar. Mənim 63 yaşım var, həyatı dərk edir, günahkarları bağışlamağı da bacarıram. Amma elə günahlar var ki, onları heç Allah da bağışlamaz. "Real" MTK rəhbərlərinin törətdikləri əməllər də onlardan biridir".

Şikayətçi hələ də ümidini itirmir. İnanmaq istəyir ki, Baş Prokurorluq və onun İstintaq İdarəsi onun şikayətlərini obyektiv araşdıracaq, nəticədə qanunun aliliyi təmin olunacaq və günahkarlar cəzalarını alacaqlar.

Xəbərin oxunma sayı : 535