AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

“Oliqarx-məmurlar istənilən prosesə müdaxilə edirlər” - Vahid Əhmədov


Tarix 01.09.22, 8:49	Font ölçüsü : - / +

“Azərbaycanın 30 illik müstəqillik dövrü hamar keçməyib. Dövlət çevrilişinə cəhdlər olub, müəyyən ictimai-siyasi və iqtisadi problemlərlə üzləşmişik. 2003-cü ildə İlham Əliyev Prezident seçiləndən sonra stabilləşmə başladı. Neftdən gəlirlər əldə etmişik, iqtisadi dirçəlmə başlayıb, ölkədə maliyyə ehtiyatları formalaşıb. Amma bu dövr ərzində Azərbaycanda kifayət qədər varlanmış insanlar da peyda olub”.

Bu fikirləri “Unikal”a müsahibəsində Milli Məclisin deputatı Vahid Əhmədov səsləndirib. Onun sözlərinə görə, ötən dövr ərzində Azərbaycanda müxtəlif yollarla varlanan, oliqarxa çevrilən vəzifəli şəxslər olub: “Təbii ki, bu qədər varlanmaq təmiz yolla qeyri-mümkündür. Yalnız dövlət büdcəsinin hesabına oliqarx olmaq mümkündür. Çox təəssüflə qeyd edim ki, həmin o adamlar vəsaitlərin əksər hissəsini də xaricə çıxarıblar. Həmin vəsaitləri Azərbaycana qoysaydılar, zavod- fabriklər tiksəydilər, əlbəttə ki, ölkə iqtisadiyyatına töhfə vermiş olardılar. İşsizlik azalardı, əhalinin güzaranı yaxşılaşardı, ərzaq problemi olmazdı. Yəni, bu gün Azərbaycanda oliqarx-məmur biznesi davam edir. Deyirlər ki, ölkədə monopoliya, inhisarçılıq yoxdur, yalan söhbətdir”.

Vahid Əhmədov Rəqabət Məcəlləsindən və onun qəbul olunmasına yaradılan maneələrdən də danışıb: “Bir məsələni diqqətinizə çatdırım. 10 ildən çoxdur ki, Rəqabət Məcəlləsi Milli Məclisdədir. O Məcəllənin qəbul edilməsində əsas məqsəd bazarda azad rəqabəti bərpa etməkdir. Yəni, bazarda haqsız rəqabət olmasın ki, inkişaf getsin, hamı eyni səviyyədə bizneslə məşğul ola bilsin. Biz o məcəlləni iki oxunuşda qəbul elədik. Amma üçüncü oxunuşa qoymadılar çıxarmağa. Həmin oliqarxlar imkan vermədilər. Bilirsiniz, oliqarx-məmurlar istənilən prosesə müdaxilə edirlər. Onlar kifayət qədər vasaiti olan insanlardır. Burada söhbət milyardlardan gedir. Bu gün siz də, millət də bilir ki, həmin pullar kimlərdədir. Son iki ildə bu məsələnin üzərində ciddi dayandıq. Mən Hökumətdən də, baş nazirdən də tələb etdim ki, gəlin Rəqabət Məcəlləsini qəbul edək, bu məsələlərə son qoyulsun”.