AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Şuşaya ilk bayraq sancan Vətən Müharibəsi Qəhrəmanı - FOTO


Tarix 11.11.22, 21:56	Font ölçüsü : - / +

Azərbaycanın çoxəsrlik tarixinə qızıl hərflərlə yazılan Qarabağ Zəfəri Müzəffər Ali Baş Komandan İlham Əliyevin qüdrətli sərkərdəliyi, qəhrəman əsgər və zabitlərimizin, şəhidlərimizin qanı və canı bahasına qazanılıb. Xalqımız və rəşadətli Ordumuz 44 gündə şanlı tarix yazaraq 30 illik işğala son qoydu, ərazi bütövlüyümüz bərpa olundu. Şuşa qalibiyyəti xalqımızın qəhrəmanlıq ruhunun təntənəsinə çevrildi. Xalqımıza Qələbə sevincini yaşadan qəhrəmanların təbliği gənc nəslin vətənpərvərlik tərbiyəsi baxımından önəmlidir. Belə igid övladlardan biri də Vətən Müharibəsi Qəhrəmanı Yaşar Hüseynovdur. O, iyirmi iki ildir ki, Azərbaycan Ordusunda xidmət edir.

Vətən Müharibəsi Qəhrəmanı Yaşar Hüseynovun bioqrafiyasına nəzər salaq. Yaşar Hüseynov 1981-ci ildə Ağdam rayonunun Abdal kəndində dünyaya gəlib, ailənin sonbeşiyidir. Gözünü açandan evlərində döyüşçü görüb, elə döyüşçü kimi də böyüyüb. Yaşar 2014-cü il Gülüstan əməliyyatı, 2016-cı il Aprel döyüşləri və Vətən müharibəsində igidliyi ilə daim seçilib. İlk dəfə Goranboy rayonunun Gülüstan kəndi yaxınlığında döyüş tapşırığının icrası zamanı ağır yaralanıb.

Vətən müharibəsinin ilk həftəsində Cəbrayılda ağır yaralanan Yaşar Hüseynov 6 gündən sonra təkrar cənub istiqamətində döyüşlərə qatılıb və Şuşaya qədər gedib.

Ətraflı

Ordumuz 44 gün dayanmadan irəlilədi və otuz il işğal altında qalan torpaqlarımızı azad edərək qəhrəmanlıq dastanı yazdı. Yaşar Hüseynov isə bu 44 günlük Vətən müharibəsinin zirvə nöqtəsidir. Düşmənin Şuşa şəhərində Duma binasının üzərində sancdığı bayrağı çıxararaq yerə atdı və Azərbaycanın Dövlət Bayrağını həmin binadan asdı. Şuşaya ilk bayrağı sancan və 28 ildən sonra azan oxuyan baş gizir Yaşar Hüseynovun həmin görüntüləri sosial şəbəkələrdə yayılanda Azərbaycan Ordusunun qüdrətini anlayan hər kəs o görüntüləri sevinc və göz yaşları ilə izlədi.

Prezident İlham Əliyevin “Azərbaycan Respublikası Silahlı Qüvvələrinin hərbi qulluqçularına “Vətən Müharibəsi Qəhrəmanı” adının verilməsi haqqında” 2020-ci il 9 dekabr tarixli Sərəncamına əsasən baş gizir Yaşar Hüseynov da “Vətən Müharibəsi Qəhrəmanı” adına layiq görülüb. O, həmçinin “Şuşanın azad olunmasına görə” medalı ilə təltif edilib.

Qeyd edək ki, Birinci Qarabağ müharibəsində Yaşar Hüseynovun üç qardaşı iştirak edib. Onlardan Füzuli Hüseynov 1994-cü il aprelin 16-da Ağdam rayon Yusifcanlı kəndində şəhid olub, Fərman və Sadiq isə müharibə veteranlarıdır.

Canında, qanında qəhrəmanlıq, cəsurluq, qorxmazlıq olan bir şəcərə hər zaman xalqın hörmət və ehtiramına layiqdir. Onlar ordumuzun gücünü, qələbə əzmini öz qanları, canları bahasına sübuta yetirərək, adlarını tarixə yazıblar.

Noyabrın 8-də Azərbaycan xalqı Zəfər Gününü böyük sevinclə qeyd edəcək. 44 günlük Vətən savaşı Azərbaycan xalqının mübarizlik simvoluna çevrilib.