AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Avropada iş vədi ilə 171 nəfəri aldadıb 217 min manat aldı - MƏHKƏMƏ


Tarix 01.09.26, 13:40	Font ölçüsü : - / +

Bu gün Bakı Ağır Cinayətlər Məhkəməsində Avropada işlə təmin etmək adı ilə 171 nəfərin pulunu ələ keçirməkdə təqsirləndirilən Sevinc Əliyeva və Kamil Curayevin cinayət işi üzrə məhkəmə prosesi keçirilib.

Lent.az xəbər verir ki, hakim Səbuhi Hüseynovun sədrliyi ilə keçirilən proses şahid ifadəsi ilə davam edib.

Məhkəmədə ifadə verən M.Q. təqsirləndirilən şəxsləri tanımadığını bildirib.

O deyib ki, internetdə xarici ölkəyə viza və təhsil məsələlərində kömək göstərilməsi ilə bağlı elan görüb və bundan sonra 28 May ərazisində yerləşən ofisə müraciət edib:

“Pulu Aytac adlı xanıma vermişəm. Bu iki nəfəri tanımıram. Nağd şəkildə 1500 manat ödədim. Məni arxayın etdi ki, narahat olmayım, tezliklə İngiltərəyə viza alacağam. Dedi ki, Kamil müəllim məsələni həll edəcək. Sonra eşitdim ki, onu tutublar. Şikayətçiyəm, pulumu tələb edirəm”.

Digər zərərçəkmişlərin dindirilməsi üçün növbəti məhkəmə prosesi sentyabrın 22-si saat 17:00-a təyin olunub.

Qeyd edək ki, “Recent Group” və “Area Alfa Group” MMC-lərin vəzifəli şəxslərinin vətəndaşların pullarını ələ keçirmələri faktı ilə bağlı Baş prokuror yanında Korrupsiyaya qarşı Mübarizə Baş İdarəsində cinayət işi başlanıb. İttihama görə, həmin şirkətlərin direktorları olmuş Sevinc Əliyeva və Kamil Curayev çoxsaylı şəxslərə Avropa ölkələrində işlə təmin olunacaqlarını, həmçinin iş vizası alınmasına kömək göstərəcəklərini vəd ediblər.

İstintaq materiallarına əsasən, 171 nəfərin ümumilikdə 217 min manat pulunun dələduzluq yolu ilə ələ keçirildiyinə dair əsaslı şübhələr müəyyən edilib.

Sevinc Əliyeva və Kamil Curayevə Cinayət Məcəlləsinin 178.3.2, 308.2 və 313-cü maddələri ilə ittiham elan olunub. Kamil Curayev barəsində həbs, Sevinc Əliyeva barəsində isə 46 nəfərə 55 min 700 manat ziyan ödəməsi və himayəsində azyaşlı uşağının olması nəzərə alınaraq polisin nəzarəti altına vermə qətimkan tədbiri seçilib.

Xəbərin oxunma sayı : 1303