Virtualaz.org xəbər verir ki, Sankt-Peterburq şəhərindən olan bir qrup tarixçi Moskva vilayətində hələ SSRİ dövründə tikilmiş bunkerin ərazisinə səfər edib və orada milyardlarla keçmiş sovet manatı aşkarlayıb.

“Burada əsasən 50 və 100 manatlıq əskinaslardır. Lakin 25, 10, 5 və 1 manatlıq əskinaslara da rast gəlmək olar. Unudulmaz görüntüdür!” – tədqiqatçılardan biri yazır.

Tapılmış pullar 1961-1991-ci illərdə SSRİ-də dövriyyədə olmuş əskinaslardır. Ehtimal edildiyinə görə, həmin pullar dövriyyədən çıxarıldıqdan sonra raket şaxtalarında basdırılması əmr olunub.

Xatırladaq ki, sovet dövründə pulların üzərində 15 müttəfiq respublikanın hər birinin dövlət dilində həmin əskinasın adı yazılırdı və Azərbaycan dilində sovet rublu məhz “manat” adlanırdı.