AzFakt.com baku.ws-ə istinadən xəbər verir ki, Pərvin şəxsi həyatı ilə bağlı gizli qalan məqamların üstünü açıb.

Abıyeva 17 yaşında nişanlı olduğunu, 19 yaşında ailə qurmağa hazırlaşdığını söyləyib. Lakin, qarşı tərəfin yalanlarına görə onların münasibəti pozulub. Cəsarətli etiraflar edən Abıyeva həyatında yeni sevgisinin olduğunu dilə gətirib.

"İlk məhəbbətim çox olub. Hansı birini deyim? (gülür). Mən gözəllik xəstəsiyəm. Fərqi yoxdu, qız ya oğlan. Keçmişimə ilişib qalan insan deyiləm. Gələn gedəni unutdurur. Həmişə gələcəyimə baxıram. Həyatımda biri var. Onu uzun müddətdir sevirəm. Mən gündəmdə olmaq üçün nəsə etməmişəm. Özüm də bilmədən şou-biznesin içinə girmişəm və gündəmi zəbt eləmişəm. Əvvəllər mənə desəydilər ki, "Azərbaycanda tanınmış aktrisa olacaqsan" inanmazdım. Bəlkə də, gülərdim. Çünki, 17 yaşında nişanlı olan qız olmuşam. 19 yaşımda toyu olacaq biri idim. Mənim məhəbbətim deyil, ailəmin qərarı olub. Ən çox anam istəyib ki, mən o insanla ailə qurum. Lakin, alınmadı. Məlum oldu ki, həmin insan həm evli həm nişanlı olub. Həyatında xeyli qadın olub. Bu səbəbdən də münasibət alınmadı. Bədbəxt olsam belə o insanla ailə qurmağa hazırlaşırdım. Daha sonra işə girdim həyatım dəyişdi və ayrıldıq". 

Həyatının anidən dəyişdiyini söyləyən aktrisa əvvəllər menecer işlədiyini, inəksağa bildiyini, yaxşı yemək bişirmək qabiliyyətinin olduğunu da etiraf edib.