Qol.az-ın “Football İtalia”ya istinadən yaydığı xəbərə görə, təcrübəli mütəxəssis yığmanı çalışdırması ilə fəxr etdiyini bildirib:

“Bu, emosional andır. Çünki İtaliya millisinin baş məşqçisi olmaq inanılmaz hissdir. bu Futbol Federasiyasının rəhbərliyinə minnətdaram. Onlar elə etdilər ki, mən bu vəzifəyə 100 faiz lazım olduğumu hiss etdim. 

Özümlə fəxr edirəm. Həyatımda baş verə biləcək ən gözəl anlardan biridir. İlk dəfə İtaliya millisinin düşərgəsinə 1978-ci ildə dəvət almışdım. Həmin vaxt U-14-ün düşərgəsinə qoşulmuşdum. İndi isə İtaliya yığmasının baş məşqçisiyəm. 

Uzun illər klublarda çalışmışam. İndi millidə işləmək üçün uyğun zamandır. Hər birimiz yığmaya faydalı olmaq üçün əlimizdən gələni etməliyik. İtaliyanı zirvəyə qaytarmaq istəyirəm. Ürəkdən çalışmaqla buna nail olmağımız mümkündür”.