AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycan demokratiya baxımından azad ölkə deyil” – İsa Qəmbər


Tarix 29.05.19, 9:43	Font ölçüsü : - / +

AzFakt.com Müsavat Partiyasının keçmiş başqanı, Milli Strateji Düşüncə Mərkəzinin rəhbəri İsa Qəmbərin Amerikanın Səsi-nə müsahibəsini təqdim edir:

- 101 il əvvəl Azərbaycan Xalq Cümhuriyyətinin əsas şüarı “İnsanlara azadlıq, Millətlərə istiqlal!” olub. Hazırda Azərbaycanda bu şüar nə qədər aktualdır?

- Böyük Məhəmməd Əmin Rəsulzadə şüarı elə bir dahiliklə, elə bir uzaqgörənliklə müəyyənləşdirib ki, bu şüar hələ 100 illər də öz aktuallığını qoruyub saxlaya bilər. Çünki insan azadlığını hər şeydən üstün sayıbdır Rəsulzadə və millətlərə istiqlal şüarını da qoyubdur. Bu gün də millətlərin azadlığı, istiqlalı dünya miqyasında həlledici məsələlərdən biridir. Eyni zamanda onu da bilirsiniz ki, Məhəmməd Əmin Rəsulzadə qeyd edib ki, biz təkcə Azərbaycanın istiqlalını deyil, bütün xalqların, millətlərin istiqlalına tərəfdarıq. Yəni bu dəyəri hələ o zaman Rəsulzadə cəmiyyətə, bəşəriyyətə təqdim edibdir. Ona görə şüar öz aktuallığını saxlayır. Bugünki Azərbaycanda Əliyev rejimi dönəmində insanlara azadlıq şüarı tamamilə tapdanılır. Çünki Azərbaycan insanının, vətəndaşının bütün azadlıqları tapdanır. Azərbaycanın istiqlalı prinsip etibarı ilə mövcuddur. Amma xeyli dərəcədə Azərbaycanın suverenliyi məhdudlaşdırılıbdır. Ona görə də bu şüar da aktuallığını qoruyub saxlayır.

- O zaman, 101 il əvvəl Azərbaycanın müstəqilliyini tanıyan Avropa ölkələri və ABŞ-la hazırki anda Azərbaycan Respublikasının münasibətlərini necə dəyərləndirərdiniz?

- Əslində, əgər bu gün Azərbaycan müstəqil dövlət olaraq mövcuddursa, bu, ilk növbədə Azərbaycan xalqının istiqlala münasibətinin göstəricisidirsə, eyni zamanda Qərbin, azad dünyanın, xüsusilə, ABŞ-ın mövcudiyyəti Azərbaycanın və digər yeni müstəqil dövlətlərinin müstəqilliyini təmin edir. Bu baxımdan biz bunu yüksək qiymətlənidiririk. Amma, biz hesab edirik ki, ABŞ və Avropa ölkələri özlərinin bəyan etdiyi dəyərlərə daha ardıcıl, daha prinsipial münasibət bildirsələr, bu, Azərbaycan kimi yeni müstəqil dövlətlərin də xeyrinə olar. Azad dünyanın da, qərb dünyasının maraqlarına uyğun olar.

- 1920-ci ildə Azərbaycanı Rusiya işğal edib. Ölkənin müstəqilliyinə yenidən təhdidlər ola bilərmi?

- Təhdidlər var. Təhdidlərin əsas ünvanı eynidir, - Moskvadır, Rusiyadır. 1920-ci ildə Rusiya Azərbaycanı və bütün Cənubi Qafqazı bütövlükdə yenidən işğal etdi. İndi tam işğal edə bilmir. Bunun da səbəbini bir neçə dəqiqə əvvəl mən dedim. Bu, əsasən beynəlxalq birliyin mövqeyidir, ABŞ-ın mövcudluğudur. Amma elə 1993-cü ilin iyun qiyamı Moskvanın Azərbaycanın suverenliyini məhdudlaşdırmaq cəhdi idi. Təəssüf ki, bu cəhd xeyli dərəcədə alındı. Hakimiyyətə gətirilmiş qüvvə 1993-cü ildən bu günə qədər Rusiyanın maraqlarına uyğun fəaliyyət göstərir. Eyni zamanda, tutaq ki, 1993-cü ilin iyun hadisələri Azərbaycanın suverenliyini məhdudlaşdırdısa, 2003-cü ilin prezident seçkilərindən sonra Moskvanın Azərbaycan hakimiyyəti rejimi ilə birlikdə Azərbaycanda törətdiyi qanunsuzluqlar Azərbaycan xalqının azadlıqlarını məhdudlaşdırdı. Azərbaycanda demokratiyanın sərhədlərini müəyyənləşdirdi ki, Azərbaycan gerçək demokratiyaya nail ola bilməsin. Bu baxımdan, həmin təhlükə bu gün də qalır. Həmin təhlükəni biz 2008-ci ildə Gürcüstana münasibətlərdə, 2014 –cü ildə Ukraynaya münasibətdə açıq şəkildə gördük. Bu təhdid davam edir. Bu təhdidi Azərbaycan dövləti ciddi şəkildə nəzərə alaraq, bu təhdiddən qurtarmaq üçün gerçək azadlıqları bərqərar etmək üçün daha ciddi, əzmlə çalışmalıdır.

- Azərbaycan Respublikasının hazırki idaretmə fəlsəfəsi ilə Xalq Cümhuriyyətinin idarəetmə fəlsəfəsi arasında oxşar və fərqli cəhətlər nədir?

- Yəni biz 1991-ci ildə müstəqilliyimizi bərpa edərkən orada müstəqillik aktında bəyan etdik ki, 1918-1920 ci illərdə mövcud olmuş cümhuriyyəti bərpa edirik. Xüsusuilə Əbülfəz Elçibəy dönəmində, milli demokratik hakimiyyəti dönəmində Azərbaycanın gerçəklərinin 1918-1920-ci illərdə müəyyənləşdirilmiş dəyərlərə uyğun şəkildə olması üçün mümkün olan hər şeyi etməyə çalşdıq. Amma 4 iyun qiyamından sonra vəziyyət dəyişdikdən sonra bugünkü Azərbaycanla 100 il əvvəlki Azərbaycan arasındakı oxşarlıqlar getdikcə aradan qaldırılmağa başladı. İndi demək olar ki, oxşar heç nə qalmayıb. Artıq Azərbaycan nə demokratiya baxımından azad ölkə deyil. Nə müstəqilliyi tam gerçək müstəqillik deyil. Nə o şəffaflıq, dəqiqlik, iqtisadi bərabərlik, siyasi bərabərlik bunların heç birinə əməl olunmur. Azərbaycan korrupsioner rejim tərəfindən idarə olunan avtoritar rejimli bir ölkəyə çevrilibdir. Parlamentli respublika idealımızdısa, indi az qala monarxiya istiqamətində addımlar atılan bir dövlətə çevrilibdir Azərbaycan. Oxşar heç nə qalmayıb. Amma bu oxşarlıqlar, bu dəyərlər Azərbaycan xalqının vətəndaşının, gəncinin şüurundadı, təfəkküründədi. Azərbaycan xalqının bu dəyərlərə münasibəti gündən-günə açıq-aydın daha aydın şəkildə görünür. Ona görə də mən inanıram ki, həmin dəyərlərə uyğun şəkildə inkişaf etməyə başlayacağımız gün o qədər də uzaqda deyil. Bir daha bu bayram münasibəti ilə hər kəsi, bütün xalqımızı təbrik etmək istəyirəm.