Musavat.com milliyet-ə istinadə xəbər verir ki, bu barədə İnsan hüquqlarının tədqiqi və müdafiəsilə məşğul olan nüfuzlu Human Rights Watch (HRW) təşkilatı məlumat yayıb.

HRW-nin saytında yayımlanan məqalədə bildirilir ki, Əsəd rejiminə bağlı olan, bölgələrdə fəaliyyət göstərən milli təhlükəsizlik xidməti əməkdaşları uzun zamandır humanitar yardımlara müdaxilə edirlər. Açıqlamada qeyd edilir ki, Suriya hökuməti yardımları müxaliflərə vermirlər: “Müxaliflər və onların ailələrini cəzalandırmaq üçün ölkəyə gələn humanitar yardımlar həmin ailələrə verilmir. Bəşər Əsəd özünə sadiq olanlara bu yardımlardan pay verir. Lakin bölgələrdə olan təhlükəsizlik qüvvələri əməkdaşlarının ölkə prezidentinə verdiyi məlumatlar əsasında, heç bir müxalif ailəyə bu yardımlardan pay verilmir.”