AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Dəyişiklik olmasa, Müsavat çox zəifləyəcək“ - Yadigar Sadıqlı


Tarix 17.09.19, 20:19	Font ölçüsü : - / +

Partiya başqanı olmaq olmaq istəyən Divan üzvü: “Müsavat daha çevik, daha qətiyyətli idarə edilməli, hakimiyyətlə münasibətlər daha konkret ifadə olunmalıdır”

Müsavat Divanı partiyanın növbəti qurultayının oktyabrın 12-də keçirilməsi barədə qərar verib. Artıq bu istiqamətdə bir sıra addımlar da atılıb. Hətta partiyanın hazırkı başqanı Arif Hacılı yenidən namizəd olmaq qərarı verməsə də, başqanlığa digər iki namizəd bəllidir. Bunlar Tofiq Yaqublu ilə Yadigar Sadıqlıdır.

Müsavat başqanı olmaq istəyən Divan üzvü (sabiq başqan müavini) Yadigar Sadıqlı Reyting.az-a müsahibəsində deyib ki, partiyada köklü dəyişiklik və daha çevik lazımdır.

- Yadigar bəy, Müsavat Partiyasında qurultayöncəsi vəziyyət necədir?

- Müsavatda qurultayöncəsi normal ab-hava var. Sadəcə, emosiyalar bir az çox qabarıb. Xüsusən də, hazırkı başqanın tərəfdarları emosiyalarını daha açıq şəkildə büruzə verirlər. Başqa, normal prosesdir, qeyri-adi bir şey yoxdur.

Hələ icra hakimiyyətindən qurultay üçün yerlə bağlı cavab gözləməli olduğumuzu nəzərə alsaq, namizədlərə təbliğat üçün az vaxt qalır.

Əvvəl də bildirdiyim kimi, qurultayda başqanlığa öz namizədliyimi irəli sürəcəyəm. Partiyanın son 5 ildə idarə olunmasını qənaətbəxş hesab etmirəm və bunu Müsavatın reytinqinin zəifləməsində də müşahidə etmək olar. Hesab edirəm ki, mənim başqan seçilməyim təkcə Müsavatda deyil, ümumilikdə demokratik düşərgədə ab-havanı kökündən dəyişər, yeni qüvvələrin axınına xidmət edər.

- Siz başqanlığa iddianızı ortaya qoyadan sonra sanki emosiyalar daha da yüksəlib...

- Mən fevral ayından başqanlığa namizəd olacağımı elan etmişəm. Emosiya qaynaşması, şər-böhtan qarışıq ittihamların səsləndirilməsi də həmin ərəfədə gündəmə gəldi. İndi bir qədər səngiyib. Mən və mənim namizədliyimi dəstəkləyən insanlar onlara cavab vermədik. Amma partiyada hörmət etdiyimiz insanlar vasitəçilik etdilər və emosiyaların sakitləşməsinə nail oldular. Bu səbəbdən hələlik sakitlikdir.

Lakin bir aya yaxındır ki, qurultay məsələsi gündəmdə gəlib. Yəqin ki, qurultayqabağı aktivlik daha da artacaq, emosiyaların yüksəlməsi də qaçılmazdır. Xüsusən də başqan olmaq istəyənlər öz tənqidi fikirlərini səsləndirəndə, müəyyən gərginliklər yarana bilər.

- Yadigar bəy, başqanlığa iddianız hansı zərurətdən ortaya çıxıb?

- Mən hesab edirəm ki, son beş ildə Müsavat Partiyasının idarəçiliyi daha yaxşı ola bilərdi. İdarəçilik yaxşı olmadığına görə də Müsavat Partiyasında həm daxildə, həm də ictimai nüfuz baxımından zəifləmə baş verib. Bu gün də həmin zəifləmə davam edir. Düşünürəm ki, əgər dəyişiklik olmasa, zəifləmə bundan sonra da davam edəcək, Müsavat çox zəifləyəcək. Bunun qarşısını almaq üçün köklü dəyişiklik olmalıdır. Mən bu dəyişiklilərə daha çox cavab verən namizədəm. Hesab edirəm ki, tamamilə yeni bir ab-hava, yeni nəfəs, yeni bir nəslin Müsavata rəhbərliyi lazımdır. Dəyişiklik olarsa, həm Müsavat Partiyasına, həm də Azərbaycanın demokratik düşərgəsinə yeni bir təravət gələcək.

- Sizin əsas xəttiniz nədən ibarətdir?

- Mən, Müsavata daha çox gəncləri cəlb etməyi, partiyanı gəncləşdirməyi düşünürəm. Aydın məsələdir ki, gələcək gənclərindir.

Mən, Müsavatda 27 il fəaliyyət göstərən heç kəsin haqqını tapdalamaq istəmirəm. Həddindən artıq böyük işlər görüblər, amma nəsil dəyişikliyi baş verməlidir. Bu gün Müsavat Partiyası gənclik baxımından AXCP ilə ReAL-dan geri qalır. Bunu aradan qaldırmaq lazımdır. Müsavatdan bir nəfərin üstün zəka sahibi olduğunu düşünüb idarəçiliyi bütünlüklə ona etibar etmək lazım deyil. Partiyada kifayət qədər ağıllı, zəkalı, dünyagörüşlü insanlar var ki, onların köməkliyi ilə partiyanı kollektiv şəkildə idarə etmək lazımdır. Belə olan halda nəticələr də xeyli fəqrli olacaq. Partiya daha çevik, daha qətiyyətli idarə edilməli, hakimiyyətlə münasibətlər daha konkret ifadə olunmalıdır.

- Arif Hacılı hələlik namizəd olacağını elan etməyib, amma növbəti dəfə başqan olmaq istəyəcəyi şübhəsizdir. Digər namizəd də Tofiq Yaqubludur. Yəni, rəqibləriniz bəllidir, mübarizə çətin olmayacaq ki?

- Müsavat Partiyasının başqanı olmaq asan məsələ deyil. Rəsulzadənin banisi olduğu, böyük bir tarixə malik partiyanın başqanı olmaq uğrunda gedən mübarizə çətin olmalıdır. Burada obyektiv və subyektiv səbəblər var. Partiya üzvlərinin bəziləri 2014-cü ildə bir qrupun Müsavatdan qopmasından gözləri qorxub. Narahat olanlar var ki, belə bir hadisə təkrarlana bilər. Digər tərəfdən, insanlar dəyişiklikdənsə, indiki vəziyyətə dözməyi daha məqbul sayırlar. Ona görə də budəfəki qurultayda mübarizənin çətin olacağını düşünürəm.

Amma hesab edirəm ki, Müsavat Partiyasının gələcəyi naminə bu çətinliyin öhdəsindən gəlməliyik, biz də bu ağır yükün altına girməliyik. İnşallah, qalib gələcəyik.

- Müsavat ötən qurultaydan “yaralı” çıxdı və başqan seçkilərinin nəticələrinə görə qopmalar oldu. Sizə qarşı da hər hansı haqsızlıq olarsa, partiyadan getmək barədə düşünərsinizmi?

- Məmin partiyadan heç yerə getmək fikrim yoxdur. Lakin başqanlıq uğrunda mübarizədə qalib olmasam, partiyanın heç bir seçkili, yaxud rəhbər orqanında təmsil olunmaq fikrim yoxdur. Sadəcə, sıravi üzv kimi qalacağam. Çünki idarəçilik elə bir vəziyyətdədir, inanmıram ki, orada təmsil olunmaqla töhfə verə bilim. Mən müsavatçıyam, özümü heç vaxt başqa partiyada təsəvvür etməmişəm. Azərbaycan reallığında başqa təşkilat yaratmağın perspektivli olacağını da düşünmürəm. Çünki hansısa başqa partiyada təmsil olunub Müsavata qarşı mübarizə aparmağımı təsəvvür eləmirəm. Müsavat mənim üçün çox əzizdir. Həyatımın mənasını bu partiyada tapmışam. Hansısa mövqeyimə, idarəçiliklə bağlı fikirlərimə görə kimlərsə məni şərləyib partiyadan çıxararlarsa, o başqa məsələ. Amma mən hər zaman müsavatçı qalacağam.

- Müsavatda hər hansı bir qərar veriləndə, seçim olanda İsa Qəmbərin mövqeyi çox təsirli olur. Sizcə, İsa Qəmbər bu dəfə kimi dəstəkləyəcək?

- İsa bəyin kimi dəstəkləyəcəyi barədə məlumatım yoxdur. Ona görə də bu barədə konkret bir söz deyə bilmərəm.

Xəbərin oxunma sayı : 349