AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Əmimin qızına əxlaqsız şəkil göndərmişdi“- sevgi cinayətinin təfərrüatı


Tarix 02.11.19, 11:30	Font ölçüsü : - / +

Əmisi qızına görə öz qohumunu bıçaqlayan gənc hakim qarşısına çıxarılıb. Məhkəmədə hadisənin qısqanclıq zəminində baş verdiyi məlum olub.

Musavat.com xəbər verir ki, Bakı Ağır Cinayətlər Məhkəməsində qəsdən sağlamlığa ağır zərər vurmaqda, xuliqanlıqda və soyuq silah saxlamaqda ittiham edilən 1998-ci il təvəllüdlü Kənan Tağıyevin cinayət işi üzrə məhkəmə iclası keçirilib.

Hakim Samir Əliyevin sədrliyi ilə keçirilən məhkəmə iclasında dövlət ittihamçısı ittiham aktını elan edib.

İttihamda yazılır ki, Kənan Tağıyev aralarında yaranmış mübahisə zamanı qohumu İbrahim İsaqzadəni bıçaqlayıb.

Tağıyevə qarşı xuliqanlıq niyyəti ilə qəsdən sağlamlığa ağır zərər vurma ittihamı ilə yanaşı soyuq silah saxlama və xuliqanlıq maddəsi ilə də ittiham irəli sürülüb. Əgər ittiham təsdiqini taparsa, Tağıyev ömrünün 10 ilindən artığını dəmir barmaqlıqlar arxasında keçirməli olacaq.

Elan olunmuş ittihamla Kənan Tağıyev özünü qismən təqsirli bilib. O, deyib ki, bıçaqladığı İbrahim onun qohumudur.

Tağıyev söyləyib ki, İbrahim onun əmisi qızına sataşıb: "Onun qohum olması, belə bir hərəkət etməsi məni çox qəzəbləndirdi. İlk olaraq onu vurmaq niyyətim yox idi. Əmimin qızına əxlaqsız foto göndərmişdi. Mən ona iradımı bildirəndə məni təhqir elədi. Yumruq atanda mən də onu vurdum".

Kənan deyir ki, hadisə zamanı ətrafda heç kim olmayıb.

Hakimin suallarından məlum olub ki, Kənan əmisi qızını sevirmiş. Elə hadisənin baş verməsinin əsas səbəbi də bu imiş.

Məhkəmədə zərərçəkniş kimi tanınan İbrahim də iştirak edib. O, hadisə baş verən gün yaşananları danışarkən deyib ki, İbrahim onu söhbətə çağıran zaman vurub.

Kənan qeyd ediib ki, həmin vaxt söyüş söyməyib: "Mübahisə edəndə bıçaq çıxardı. Mən onu vurub yerə yıxdım. O altda idi, mən isə üstdə. Əlində bıçağı görəndə soruşdum ki, məni vurdun? Dedi ki, hə. Soruşdum ki, dəqiq deyirsən? Mən o vaxta qədər hiss eləməmişdim. Sonra əlimi kürəyimə vuranda qan gəldiyini gördüm. Bir neçə dəqiqə sonra maşınla xəstəxanaya getdim".

Suallara cavab verən İbrahim Kənanın əmisi qızına sataşmadığını deyib. Amma onunla danışdığını təsdiqləyib.

O bildirib ki, Kənanın əmisi qızı ilə sırf qohum kimi danışıb, ona kömək etmək istəyib.

"Mən qıza heç bir əxlaqsız şəkil göndərməmişəm. Biz onunla danışmışıq. Kənan da bundan qəzəblənib. Kənan əmisi qızını sevirdi. Amma Kənan onun mənimlə danışmasını qəbul edə bilmirdi. Hadisıyə səbəb də budur".

Məhkəmə iclasında Kənanın əmisi qızı Sevda (ad şərtidir) da ifadə verib.

Sevda ifadəsində İbrahimin ona şəkil göndərdiyini təsdiqləyib. Amma İbrahim buna yenə də etiraz edərək bildirib ki, Sevda ilə danışsa da, ona heç bir əxlaqsız şəkil göndərməyib.

İbrahim Sevda ilə "votsap" yazışmasının bir hissəsini məhkəməyə təqdim edib. Məlum olub ki, Sevdanın da İbrahimə yazdıqları arasında ona qarşı münasibətinin olduğu aydın olur.

Məhkəmə araşdırması davam etdirilir.

Xəbərin oxunma sayı : 655