İstintaqla müəyyən edilib ki, 2017-ci il avqustun 19-u Mərdəkan qəsəbəsində Ruslan əvvəllər onunla eyni cəzaçəkmə müəssisəsində cəza çəkmiş Serqeyin keçmiş arvadı Cəmilə Musayevaya cinsi əlaqədə olmağı təklif edib. Qadın imtina etdikdə, Ruslan masanın üzərindən götürdüyü bıçağı onun boğazına dirəyərək öldürməklə hədələyib. 2 il sonra Serqey hadisə barədə biləndə, Ruslanı cəzalandırmaq məqsədi ilə onun Mərdəkan qəsəbəsində yaşadığı evə gəlir. Qapının qarşısında yaranmış mübahisə zamanı Ruslan başı ilə Sergeyin sağ gözaltı nahiyəsinə zərbə vurur. Sergey həyətdən götürdüyü balta ilə Ruslana xəsarətlər yetirdikdə, Ruslan əlinə keçən musiqi aləti ilə ona zərbə endirir. Ardınca orağla Sergeyin kürək nahiyəsinə zərbələr vurur. Sonra Sergeyin əlindən baltanı götürüb, bədəninin müxtəlif nahiyələrinə çoxsaylı xəsarətlər yetirərək öldürür.

Cinayətin digər məqamları Baku.Tv-nin hazırladığı reportajda.