AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Azərbaycanda iş adamlarının qızıl fırıldağı - ŞOK TƏFƏRRÜAT


Tarix 25.12.20, 18:09	Font ölçüsü : - / +

Azərbaycanda dələduzluq etməkdə təqsirli bilinən 1987-ci il təvəllüdlü Məmmədağa Zülfüqarovun cinayət işi üzrə məhkəmə prosesi başa çatıb.

Demokrat.az-ın əldə etdiyi məlumata görə, Məmmədağa Zülfüarov etibardan sui-istifadə etmə və aldatma yolu ilə özgənin əmlakını ələ keçirərək zərər çəkmiş şəxsə külli miqdarda ziyan vurmaqla dələduzluq cinayət əməlini törədib.

Belə ki, Məmmədağa Zülfüqarov tanışı Akif Əlizadəyə Ərəb Əmirliyinin Dubay şəhərindən Bakı şəhərinə böyük həcmdə qızıl əşyaları gətirib, satacağını və əldə olunacaq qazancı onunla bölüşdürəcəyini yalandan vəd verib.

O, Akif Əlizadədən Binəqədi rayonu, Cəfər Xəndan küçəsi 3 saylı evin qarşısında 2014-cü ilin may ayının ortalarında oğlu İmran Əlizadə vasitəsi ilə 20.000 manat, bundan sonra həmin ilin may ayının axırlarında Binəqədi rayonu, Cəfər Xəndan küçəsi №3, 35 saylı mənzildə 25.000 manat, 2014-cü ilin iyun ayının əvvəllərində isə həmin mənzildə 50.000 manat məbləğində nağd pulu alıb.

İstintaq orqanı tərəfindən Məmmədağa Zülfüqarovun barəsində Cinayət Məcəlləsinin 178.3.2-ci (külli miqdarda dələduzluq törətmək) maddəsi ilə ittiham elan edilib.

Bakı Ağır Cinayətlər Məhkəməsinin hökmü ilə Məmmədağa Zülfüqarov 7 il müddətinə azadlıqdan məhrum edilib.

Hökmdən narazı qalan Məmmədağa Zülfüqarov apelyasiya şikayəti verib. O, barəsində ədalətli qərar qəbul edilməsi xahiş edib.

Məmmədağa Zülfüqarov şikayətini onunla əsaslandırıb ki, məhkəmələr tərəfindən qanunsuz olaraq əməli külli miqdar kimi qiymətləndirilib və barəsində ədalətsiz qərar qəbul edilib.

Belə ki, zərərçəkmiş şəxsdən əldə etdiyi 95.000 manat vəsaiti vahid niyyətlə deyil, qızıl bazarında olan tələb-təklif əsasında hissələrlə, 20.000 manat, daha sonra 25.000 manat və sonra 50.000 manat əldə edib, vahid niyyətlə ziyan vurmaq niyyəti olmayıb, belə bir niyyətinin olması halında 95.000 manat vəsaiti ilk öncədən tələb etməli olardı.

Məmmədağa Zülüqarov əməlini xeyli miqdarda dələduzluq törətməklə qiymətləndirilməsini, cəzasının yüngülləşdirilməsini xahiş edib.

Bakı Apelyasiya Məhkəməsinin qərarı ilə Məmmədağa Zülfüqarovun apelyasiya şikayəti təmin olunmayıb.

Bu qərardan narazı qalan Məmmədağa Zülfüqarov kasasiya şikayəti verib. Onun kasasiya şikayəti araşdırılması üçün Ali Məhkəməyə göndərilib.

Hakim Əziz Seyidovun sədrliyi ilə baş tutan iclasda kasasiya şikayətinin dəlilləri araşdırılıb, sonda qərar verilib.

Qərara görə, Məmmədağa Zülfüqarovun kasasiya şikayəti təmin olunmayıb.

Xəbərin oxunma sayı : 955