Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI Xatirə qırmızıya büründü - Fotolar
Axtar
 
  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

  • / Maqazin / — 17 Fevral 2024

    “Həbsxanada yataram, üzr istəmərəm” - VİDEO

Prorektor və müşavirlərin xidməti maşınları və təyinatlar... - Universitetdən şikayət + Açıqlama

Tarix 11.12.19, 19:09

Font ölçüsü : - / +
bitmap-img6


"Gəncə Dövlət Universitetinin rektorunun qəbuluna düşmək prezidentin qəbuluna düşməkdən də çətindir. Heç cənab Prezidentin bu qədər müşaviri yoxdur. Möhtərəm Yusif Yusibov özünə xeyli müşavir götürüb. Onların rəyi olmadan rektorun qəbuluna düşmək mümkün deyil".

Bu sözlər  Gəncə Dövlət Universitetindən əməkdaşları olduqlarını deyən, lakin bəlli səbəıblərdən adlarını gizlədənlərin Mia.az-ın poçtuna göndərdiyi məktubda yer alıb.

Bildirilib ki, rektorun müşavirləri Asif Cavadov, İlqar Kuybışev və qohumnu Elsevər Nağıyevdir: "Hələ bu azmış kimi, universitetdə yeni-yeni vəzifələr yaradıblar, həmin vəzifələrə də öz yaxın qohum əqrəbalarını, tanışlarını təyin edib.

Yeni yaranan vəzifələrdən biri də marketinq vəzifəsidir. Bu vəzifəyə Orxan adında birini təyin edib, magistratura şöbəsini bitirib. Başa düşmək olmur, bura universitetdir, yoxsa market?".

Məktubda daha sonra qeyd edilib ki, müşavir Asif Cavadovun həyat yoldaşı da psixologiya kafedrasının müdiri Zümrüd Şirinova vaxtı ilə prezident seçkilərində Lalə Şövkətin vəkili olub: "Bunu təsdiq edən, o vaxt rəsmi qəzetlərdə dərc olunan xəbərin fotosunu da Sizə göndəririk. Xanım Şirinova bu il də alternativsiz secki yolu ilə kafedra müdiri təyin olunub...".

Məlumata görə, rektorun təqdimatı ilə baş müşavir Asif Cavadovun baldızı, yəni psixologiya kafedrasının müdiri Zümrüd Cavadovanın bacısı Yeganə xanımda univerisitetdə vəzifə alıb. O, "Ümumi texniki fənlər və texnologiya" kafedrasında emalatxana müdüri təyin edilib.

Şikayətçilər daha sonra universitetin bir çox vəzifə sahiblərinin adlarını hallandıraraq, onlar haqqında müxtəlif iddialar irəli sürüblər. Eyni zamanda, rektorun müşaviri və qohumu Elsevər Nağıyevin (20-AA-522 dövlət nömrə nişanlı), prorektor Gülsüm Fətəliyevanın (Deputat Musa Urudun bacısı, Kəpəz rayonu İcra Hakimiyyətinin başçısı Eldəniz Xudiyevin qayınanası) 20-AA-556 dövlət nömrə nişanlı, digər prorektor Pərvin Kərimzadənin  20-AA- 352 nömrə nişanlı, müşavir Asif Cavadovun 20-AA-442 nömrə nişanlı, Fəxrəddin Həsənovun  20-AA-577 nömrə nişanlı, digər prorektor Fəxrəddin Məmmədovun 20-AA-542 nömrə nişanlı, rektorun özünün isə  20-AA-082 nömrə nömrə nişanlı xidməti maşınlarına büdcədən ödənilən xərclərin hesabatı istənilib...

Bu və ya digər məqamlarla bağlı GDU-nun mətbuat xidmətinə sorğu göndərdik.

Sorğuya verilən cavabı və nəticəı çıxarmağı oxucuların öhdəsinə buraxırıq:

"Çox hörmətli mia.az saytının dəyərli əməkdaşları. Bizə yazdığınıza görə Sizə öz dərin təşəkkürümüzü bildiririk.

Bildirmək istəyirik ki, özlərini jurnalist adlandıran bəzi şəxslər onlara ünvanlanmış hansısa bir anonim məlumatı heç bir araşdırma aparmadan dərc edirlər.Bu isə Gəncə Dövlət Universitetinin işgüzar nüfuzuna və imicinə zərbə vurur.

Hörmətli mia.az, əgər Google üzərindən kiçik bir araşdırma aparsaz, bu məktubda yazılanların müxtəlif vaxtlarda universitet haqqında dərc edilən anonim məktublardan "seçmələr" olduğunu görərsiz.

Bu günlərdə adı Mətbuat Şurasının qara siyahısında olan saytlardan biri GDU ilə bağlı bir yazı vermişdi. Yazıdan bir abzasa baxın xahiş edirəm:

”… Dünən isə növbədənkənar Elmi Şura çağıran GDU-nun rektoru Yusif Yusibov dekanlara ciddi şəkildə tapşırıb ki, rüşvət qəti ola bilməz,obyektivlik təmin olunmalıdır və imtahanların sualları cavabıyla bir yerdə tələbələrə paylanmalıdır”. Ardınca isə sayt iddia edir ki,rektor bunu yalandan deyir,onsuz da rüşvət alacaq. Bu "məntiq sahibi” anlamır ki, əgər test suallarının doğru cavabı tələbələrə paylanıbsa, tələbə bu 300-500 sualın cavabını əzbərləyib imtahandan qiymət alacaq, daha niyə rüşvət verməlidir ki???

Maraqlı burasıdır ki,"qarşı tərəfin mövqeyini verə bilərik" sözləri məqalənin altında yazılsa da belə saytların rəhbərliyi bu mövqeyi verməkdən imtina edirlər.Bu isə KİV haqqında qanuna ziddir.

Ümumiyyətlə, bildirmək istəyirik ki, Gəncə Dövlət Universiteti ilə bağlı kütləvi informasiya vasitələrinə göndərilmiş böhtan xarakterli bu yazılar reallığı əks etdirmir və universitetin işgüzar nüfuzuna xələl gətirmək məqsədini daşıyır. Bu yazıları müxtəlif saytlara göndərənlər isə tərəqqini, inkişafı gözü götürməyən, hər bir mütərəqqi ideyalara qarşı çıxan, işindəki nöqsanlara görə tutduqları vəzifədən azad edilən və buna görə də universitet rəhbərliyindən heyf almaq məqsədi ilə alışıb yanan müxalif fikirli insanlardır. Belə şəxslər saxta emaillər düzəldərək öz cızmaqaralarını müxtəlif kütləvi informasiya vasitələrinə göndərib, saxta adlarla bu yazıların dərcinə nail olmaq və ictimai fikiri çaşdırmaq məqsədi güdürlər.

Bir daha Sizə öz dərin təşəkkürümüzü bildiririk.Tanrı Sizi kimi dəyərli jurnalistləri qorusun.

Hörmətlə, Elçin Cavadov,

Gəncə Dövlət Universitetinin dosenti,

texnika elmləri doktoru"



Xəbərin oxunma sayı : 418




Sosial

Xəbərlər

ARXİV
Əlaqə | Haqqımızda  
Buy website traffic cheap