AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Rövnəq Abdullayevin adı Şəki qalmaqalında - VİDEO


Tarix 22.09.20, 15:47	Font ölçüsü : - / +

Elxan Usubov Şəkiyə İH başçısı təyin olunan kimi 4 sənaye müəssisəsini sökülməsinə qərar verdi: guya ki həmin müəssisələrin yeri İH binasının tikilməsi üçün ən münasib yer imiş?! Daha sonra ipəkçilik və toxuculuq sənayesini məhvinə nail oldu. Kərpic zavodu dayandı, şərab zavodu işləmədi, ət kombinatının, konserv zavodunun qapıları açılmadı. Sənayenin ağır vəziyyəti Elxan Usubovu əsla maraqlandırmır, ona elə gəlir ki, istismara tam yararlı olan bu müəssisələrin dayanmasına görə o, cavabdeh deyil?! İH başçısının vəzifəsi ayda bir dəfə gəlib, 937 manat maaşını və “dolya”sını alıb getməkdir, vəssalam.

Şantaj və həbs edilmə qorxusu altında təzyiqlər

Şəkidə sahibkarlar incidilir.

Məsələn son olaraq icra başçısının rayonda 4 sahibkara təzyiq edərək onların yüz hektarlarla torpağını ələ keçirməsini göstərə bilərik.

Qurban Soltanov adlı sahibkarı aldadıb ki, 60 hektar ərazini boşalt, ora Prezident Administrasiyasından bəs filankəsin gözü düşüb. Sahibkar qorxur, torpağı verir və sonradan məlum olur ki, həmin yeri başçı “Azəraqro” şirkətinə verib.

Soltanov aldadıldığını anlayır, hara şikayət etsə də kimsə dinləmir. Üstəlik başçı onu həbs etməklə hədələyir.

Digər şikayətçi Hənəfi Məcidov- da deyir ki, Elxan Usubov onu yanına çağıraraq bildirib ki, Prezidentin tapşırığı ilə ona məxsus ərazidə Aqropark salınmalıdır. Sahibkar bununla razılaşır. Amma sonra aydın olur ki, bu ərazidə başqa şirkətə verilib və hazırda bu ərazidə icra başçısının özü təsərüfat yaradıb. Buna narazılığını bildirən Hənəfi Məcidov da həbs olunmaqla qorxudulub və şikayətləri qəbul olunmayıb. İcra başçısı daha sonra “Tərəqqi” ordenli sahibkar Mənəfov Novruzu da quru yerdə qoyur. Elxan Usubov sahibkara bildirir ki, ərazidə Aqropark salınmalıdır. Buna görə torpağı təhvil verməlisən. Sahibkar isə bunun Prezidentin tapşırığı olduğunu düşünərək bununla razılaşır. 49 illik müqaviləsinin olmasına, əkin ərazisinə küllü miqdarda pul qoymasına rəğmən. Amma bir müddətdən sonra görürkü aldadılıb. Buna görə dəfələrlə icra başçısına şikayət etsə də xeyri olmur. Elxan Usubov sahibkarı sabiq baş prokurorun müavini Rüstəm Usubovun adından hədələyir və həbsə atdıracağını bildirir. Sahibkar deyir ki, bu günə qədər qorxusundan məsələni gündəmə gətirə bilməyib.

Digər bir sahibkar -Aydın Heydərov iddia edir ki, təsərrüfatının qışlaq ərazisi Şəki rayonunda yerləşir. Ona verilmiş müqavilənin müddəti isə 2022-ci ildə başa çatacaq. Buna baxmayaraq Heydərova təhkim olunmuş ərazinin 140 hektarının əkinə yararlı sahəsi 2018-ci ildən “Azərarqo” şirkətinə verilib. Ancaq həmən ərazinin icarə haqqını yenə Aydın Heydərov ödəyir. Həmən əraziyə eyni zamanda başqa şirkətin adına çıxarış verilib.

Qanunsuzluğun hansı səviyyədə olduğunu duyursunuz?

Rövnəq Abdullayevin qudası da bu işdə imiş

Sahibkarların səsini lazımi dairələrə çatdırandan sonra Şəki rəhbərliyində “canlanma” yaranıb. Şikayətlərin dərcindən sonra Şəki Regional Yer Quruluşu və Kadastr Tədqiqat Mərkəzinin 12 saylı Şəki Lahiyə İdarəsinin rəisi İlkin Süleymanov, icra başçısı və Zeynal Əliyev sahibkarları qəbul ediblər. Uzun danışıqlardan sonra onlara bildirilib ki, zəbt etdikləri torpaqların cüzi bir qismini onlara qaytara bilərlər. Sahibkarlar isə öz halal haqlarını tələb edərək sona qədər mübarizə aparacaqlarını söyləyiblər.

Qeyd edək ki, illər öncə Elxan Usubov bu torpaqları dövlət tələblərini təmin etmək adı ilə almışdı və qeyd olunurdu ki, torpaqlar “Azərtoxum”un balansına verilir. Ancaq sonra aydın oldu ki, ərazi icra başçısının, “Azərtoxum’un rəhbəri Zeynal Əliyevin və daha bir neçə nəfərin arasında bölünüb. Bax əsas məsələ də Zeynal Əliyevlə bağlıdır. Ən azı ona görə ki, Zeynal Əliyev ARDNŞ-nin prezidenti Rövnəq Abdullayevin qudasıdır. Və bu torpaqlar ələ keçirilən zaman Rövnəq Abdullayevin adından da istifadə olunub. Bundan Rövnəq Abdullayevin xəbərinin olub-olmamasını isə deyə bilmərik. Amma məsələ burasındadır ki, icra başçısı və Şəki Regional Yer Quruluşu və Kadastr Tədqiqat Mərkəzinin 12 saylı Şəki Lahiyə İdarəsinin rəisi İlkin Süleymanov bütün bu maxenasiyaları onların adından ediblər. Hətta “Azərtoxum” təşkilatının icraçı direktoru Məzahir Qasımov daha uzağa gedərək İlkin Süleymanovun sahibkarlara söylədiyi yalana doğruluq donunu geyindirmək üçün yeni “yol xəritəsimi də sahibkarlara söyləyib. Onun deməsinə görə Rövnəq Abdullayevin qudasının Şəki “əmə liyyatı” başlanan zaman başqa bir dövlət məmurununda adı hallanmağa başlayıb. Bu şəxs isə ARDNŞ-nin vitse-prezidenti Bədəl Bədəlov olub. Deyilənə görə Bədəl Bədəlov icra başçısı Elxan Usubovla Zeynal Əliyevin arzularını həyata keçirtmək üçün hərəkətə keçib. O, PA-da yüksək vəzifədə çalışan tanınmış bir məmura xahiş edir ki, bu torpaqların Zeynal Əliyevə verilməsi üçün Elxan Usubova tapşırıq versin. Güya Bakıdan belə tapşırıq gəlir və bundan sonra icra başçısı sahibkarlara yalan söyləməklə torpaqların bir hissəsini Zeynal Əliyevə verir, yerdə qalanlarından isə özü istifadə edir.

Amma başqa fikirlərdə səslənməkdədir. Bildirilir ki, bu torpaqları hələ öncədən də Elxan Usubov ələ keçirtmək istəyibmiş. Buna görə Şəki Regional Yer Quruluşu və Kadastr Tədqiqat Mərkəzinin 12 saylı Şəki Lahiyə İdarəsinin rəisi ilkin Süleymanovu yanına çağıraraq torpaqları hansı yolla ələ etməyin mümkünlüyünü soruşur. Qısa araşdırmadan sonra İlkin Süleymanov icra başçısına “ağıllı” məsləhət verir. O, hesab edir ki, Rövnəq Abdullayevin qudası Zeynal Əliyevin Şəkidə fermer təsərrüfatı yaratmaq istəyindən yararlanmaq olar. Ən azı ona görə ki, Zeynal Əliyevin adı olan yerdə Rövnəq Abdullayevin, onun yaxın çevrəsinin və PA-nin məsul şəxslərinin adından yararlanmaq olar. Beləcə qısa müddətdə Rövnəq Abdullayevin, Bədəl Bədəlovun və PA-nin rəsmisinin adından istifadə olunub.

Müğənniyə peşkəş edilən torpaq və başçının əmlakı haqda

Qafqaz.tv bildirir ki, sahibkarların torpağını çığırda –çığırda alan icra başçısı şou-biznes tayfasına torpağı müftə verməkdək çəkinmir.

Xatırlayırsınızsa 2018-ci ildə Şəki şəhər İcra HakimiŞəki şəhər İcra Hakimiyyətinin başçısı Elxan Usubov türkiyəli müğənni Petek Dinçözə torpaq sahəsi verəcəyi haqda xəbər yayıldı.Bu barədə sənətçi “ATV maqazin onlarla” proqramına açıqlamasında bildirmişdi.

Müğənni icra başçısının ona söz verdiyini qeyd etmişdi: “Bunun müjdəsini verim. İcra başçısı sayəsində, onun verdiyi söz sayəsində torpaq sahibi olacam. Həmin ərazidə ev tikdirəcəm. Yay aylarında bura gələcəm”.

Xəbər geniş yayıldı və ictimaiyyətdə narazılıq doğurdu.Şəki İH adından tezbazar təkzib verildi, sonradan olay unuduldu.

Bax belə, torpağı yadlara peşkəş edib, yerlilərdən zorla alan icra başçısıdır Elxan Usubov.

Bu arada başçının əmlakının siyahısı da dərc olunmuşdu.

Həmin siyahının az hissəsini təqdim edirik:

Bakıda T.Şıxəliyev, ev 6 ünvanında mənzil

Şəkidə L.Abdullayev, ev 36 ünvanında mənzil

Şəkidə M.Ə.Rəsulzadə, ev 293 ünvanında xidməti mənzil

Şəkidə 5 ədəd dəbdəbəli malikanəsi

Şəkidəki süd zavodu

Şəkidəki “Sünbül” çörəkbişirmə sexi

Şəkidə M.F.Axundov prospektində yerləşən “Şəki” hoteli

Şəkinin Kiş kəndindəki “Narınqala” hoteli