Universitetin Mətbuat xidmətinin rəhbəri İbrahim Quliyev BakiPost.az-a bildirib ki, məsələ qəsdən şişirdilib:

“Məsələnin mahiyyətini dəqiq bilməyənlər onu müxtəlif şəkildə şərh edirlər.

Bəri başdan bildirmək istəyirik ki, BSU-da Milli Qəhrəmanlara, şəhid ailələrinə, şəhidlərə, Qarabağ müharibəsi veteranlarına həmişə xüsusi hörmət və ehtiramla yanaşılıb. Universitetin birinci mərtəbəsində Milli Qəhrəmanların şəkli asılıb. Xaricdən gələn bütün qonaqlar onlarla tanış edilir, birinci kurs tələbələrinə tədris ilinin başlanğıcında onların qəhrəmanlığı, döyüş şücaəti, igidliyi haqqında məlumat verilir.

Üstəlik, BSU-nun qapıları təkcə Mili Qəhrəmanların deyil, bütün insanlarımızın üzünə açıqdır. Universitetin rektoru, professor Nurlana Əliyeva demək olar ki, hər gün valideynlərin və tələbələrin problemlərinin həlli üçün qəbul saatları keçirir”.