Bu sözlər Mia.az-a göndərilən şikayət məktubunda yer alıb.

Şikayətçilər yazır ki, rektor Yusif Yusibov o qədər özünə arxayındır ki, bu günlərdə Təhsil Nazirliyinin xüsusi komissiyasını universitetdən qovub.

İddiaya görə, Təhsil Nazirliyi həm kütləvi informasiya vasitələrində dərc olunan materiallara görə, həm də Nazirliyə olunan çoxsaylı şikayətlərə görə universiteti yoxlatmaq üçün xüsusi komissiya göndərib: "Komissiya yoxlama prosesində maliyyə sahəsində çoxlu nöqsanlar aşkarlayb. Bununla bağlı rektorun kabinetinə girən komissiya üzvləri ilə rektor Yusif Yusibov arasında mübahisə yaranıb. Rektorla komissiya üzvləri arasında danışıq alınmadıqda,Yusif Yusibov onları otaqdan qovaraq "Gedin, bacardığınızı eləyin".

İddiaya görə, bu hadisədən sonra Təhsil naziri Emin Əmrullayev Gəncəyə gəlsə də, bu universitetdə baş çəkməyib. O, digər ali məktəblərə, bir neçə orta məktəbə gəlib: "Görünür, rektorun qardaşı Cavanşir Yusibovun Maliyyə Nazirliyinin Aparat rəhbəri olması, ona "yaşıl işıq" yandırıb".

Məktubda universitetlə bağlı çoxsaylı ağır ittiham və iddialar da var. Bunlara qarşı tərəfdən münasibət öyrənə bilmədiyimiz üçün hələlik toxunmadıq.

Qarşı tərəfi də dinləməyə hazırıq.