Virtualaz.org-un Şirvan bürosunun məlumatına görə, məlum olub ki, məktəblini vurub öldürdükdən sonra hadisə yerindən qaçmış 10 RO 298 dövlət nömrə nişanlı “Moskviç-412” markalı avtomaşını Yenikənd kənd sakni Süleymanov Sabir Məmmədağa oğlu idarə edirmiş.

*   *   *20:28(14.02.2017)

Bu gün axşam saatlarında Ələt-Astara avtomobil yolunun Salyan rayonunun Yenikənd kəndi ərazisində yaxınlıqdakı orta məktəbdən - repetitor yanından qayıdan Qardili kənd sakini Əliyev Şəhriyar Nemət oğlunu “Moskviç” markalı avtomaşın vurub.

Virtualaz.org-un Şirvan bürosunun əldə etdiyi məlumata görə, ağır xəsarətlər alan 2000-ci il təvəllüdlü Şəhriyar Əliyev hadisə yerindəcə keçinib.

Kənd sakinlərinin dediyinə görə, hadisəyə səbəb qarın əriməsindən sonra yol qırağının palçıq olması səbəbindən məktəbdən qayıdan uşaqların maşın yolu ilə getməsi olub.

Qeyd edək ki, Şəhriyar Əliyev ailənin yeganə övladı olub və bir neçə il əvvəl ağır xəstəlikdən əziyyət çəkən anasını itirib.

Faktla bağlı Dövlət Yol Polisində araşdırmalara başlanılıb.