Məqalədə istinad gətirilən “Refinitiv” analitik şirkətinin məlumatına görə isə təkcə bu il banklar Səudiyyə Ərəbistanından olan şirkətlərə satdıqları qiymətli kağızlar, istiqrazlar və konsaltinq xidmətlərindən 247 milyon dolla gəlir əldə etmişdilər. Üstəlik, Avropada qoyulan sərmayələr nəticəsində Səudiyyə Ərəbistanı bir çox şirkətlər üçün artıq ortaq deyil, sahib sayılır.

"İndi aydın olur ki, bütün bu illər ərzində səudiyyələr Qərbin boğazına necə qalın ilmək keçirib”,- məqalədə qeyd olunur.

Yazıda Camal Qaşıqçı məsələsinin Səudiyyənin 100 milyardlarla ölçülən layihələrində iştirak etməyə can atanları olduqca pis vəziyyətdə qoyduğu vurğulanır.

Ər-Riyadda keçirilməsi planlanan və dünyanın iqtisadi elitasının toplanacağı gözlənilən “Future Investment Initiative” forumunda iştirak etməkdən boyun qaçıran firmaların sayı artır. Bunların arasında "JP Morgan", "Blackrock" və "Blackstone" kimi nəhəng investisiya şirkətləri də var. Forumun sponsorlarından sayılan “Siemens” şirkətindən fərqli olaraq “Airbus” konserni indi özünü kənarda tutur.

Hazırda Səudiyyə Ərəbistanı ilə hər hansı şəkildə bağlılğı olan şirkətlrədə yaxşı proseslər baş vermir. Məsələn, ər-Riyadın ciddi ortaqlıq etdiyi “Tesla” firması və “Softbank” bankının səhmləri olduqca aşağı düşüb. Teslanın 7, Softbankın isə 20 milyard dollar zərər etdiyi ortaya çıxıb.