Yeniavaz.com-un açıqlanan rəsmi statistikaya istinadən apardığı hesablama göstərir ki, son bir ildə ölkədə minik avtomobillərinin sayı 5,8% və ya 82 087 ədəd artıb.

Azərbaycanda insanlar ən çox VAZ markalı minik avtomobillərindən istifadə edirlər. VAZ-lardan sonra ən çox istifadə olunan avtomobil markası "Mercedes-Benz" hesab olunur. Çox istifadə olunan minik avtomobillərin sırasında növbəti yerlərdə "Hyundai", "Toyota", "Opel", KİA, "Chevrolet" və "Nissan" qərarlaşıb.

Ən az istifadə olunan avtomobil isə "Rolls Royce" və "Rover" markalı avtomobillər olub. Ölkədə 66 ədəd "Rolls Royce", 91 ədəd "Rover”, 99 ədəd “Isuzu”, 118 ədəd JAC, 119 ədəd "Buick" və 178 ədəd “Maserati” avtomobilinin olduğu bildirilir.

Açıqlanan məlumatlardan belə görünür ki, son bir ildə Azərbaycanda "Hyundai", KİA və "Toyota" avtomobillərinin satışı daha çox artıb. 

Onu da qeyd edək ki, ölkədə qeydiyyatda olan minik avtomobillərinin 85,3%-i benzin, 11%-i dizel, 0,7%-i qaz, 1,8%-i hibrid, 0,2%-i isə elektrik ilə işləyir. 

Son 7 ildə Azərbaycanda qeydiyyatda olan minik avtomobillərindən bəzilərinin sayı bu cür olub: