Fanat.Az xəbər verir ki, bu sözləri "Liverpul"un baş məşqçisi Yurgen Klopp deyib.

Almaniyalı mütəxəssis futbolçuların transfer qiymətlərinin artmasından narahatdı. 52 yaşlı mütəxəssis bunun dünya futboluna ciddi ziyan vurduğunu düşünür. Klopp əlavə edib ki, vəziyyət belə davam edəcəyi təqdirdə, futboldan gedəcək: "Almaniyada çalışdığım zaman "Bavariya" böyük transfer büdcəsinə sahib idi. Məsələn, 100 milyon funt-sterlinq. Ancaq indi bu məbləğə yalnız bir mərkəz müdafiəçisi ala bilərsən. Hələ əmək haqqını nəzərə almıram. Bəlkə də, sözlərimi tərcümə edərkən nəyisə qaçıracaqsınız. Amma mənim fikrim budu: futbolun yalnız puldan ibarət olduğu ana gəlib çıxsaq, mən bu sahədən gedəcəm. O ki qaldı "Liverpul"a, əgər biz digərlərinin transferlərə ödədiyi məbləği xərcləməsək, rəqabət apara bilməyəcəyik. Hər kəs pulu çölə atır. Amma biz də bunu etməliyik".