AzFakt.com xəbər verir ki, Ağdam klubu doğma azarkeşləri önündə "Ludoqorets”i qəbul edir.

Tofiq Bəhramov adına Respublika stadionunda keçirilən matçda hesab 57-ci dəqiqədə açılıb. Cərimə zərbəsindən qapı önünə göndərilən asmaya Duarte dəqiq baş zərbəsi endirib: 0:1.

Hesabda geri düşəndən sonra təzyiqi artıran "Qarabağ" çox keçmədən hesabı bərabərləşdirməyə müvəffəq olub. Juninyo 65-ci dəqiqədə topu tora qovuşdurub.

Buna baxmayaraq Bolqarıstan təmsilçisi matçın 87-ci dəqiqəsində yenidən önə keçməyi bacarıb. Qurulan əks-hücum zamanı Vidalın baş zərbəsindən sonra Buntiç qapısında ikinci topu görüb.

Matçın qalan vaxtında "Qarabağ" hesabı bərabərləşdirmək üçün böyük qüvvəylə irəli atılsa da, bu cəhdlər heç bir nəticə verməyib.

Beləliklə, təmsilçimiz Çempionlar Liqasının 3-cü təsnifat mərhələsinin ilk matçını məğlub başa vurub: 1:2.

Qeyd edək ki, komandalar arasındakı cavab görüşü avqustun 13-də Bolqarıstanda baş tutacaq.

Ətraflı

Çempionlar Liqası

III təsnifat mərhələsi

İlk oyun

6 avqust

Qollar: Juninyo, 65 - Deroy Duarte, 56. Kayo Vidal, 87.

Qırmızı vərəqə: Kayo Vidal, 90.

Qarabağ: 97. Fabiyan Buntiç, 29. Marko Veşoviç, 13. Bəhlul Mustafazadə, 81. Kevin Medina, 27. Toral Bayramov, 6. Julio Romao, 7. Yassin Benzia, 8. Marko Yankoviç, 15. Leandro Andrade, 10. Abdullah Zubir (k), 18. Juninyo.

Ludoqorets: 39. Hendrik Bonmann, 3. Anton Nedyalkov (k), 24. Oliver Verdon, 4. Dinis Almeyda, 17. Son, 30. Pedro Naressi, 23. Deroy Duarte, 6. Yakub Pyotrovski, 11. Kayo Vidal, 37. Bernard Tekpetey, 9. Kvadvo Duah.

Baş hakim: Urs Şnider, Marko Zürker, Benjamin Zürker, Sven Volfensberger (İsveçrə).

VAR hakimləri: Fedayi San, Yohannes von Mandax.

Tofiq Bəhramov adına Respublika Stadionu.