AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

“Gördüm ki, küvəz ortadan yanır“ - MƏHKƏMƏ


Tarix 14.04.25, 11:09	Font ölçüsü : - / +

Respublika Perinatal Mərkəzində baş verən yanğınla bağlı təqsirləndirilən mərkəzin direktoru vəzifəsində işləmiş Mehriban Abasquliyevanın, sabiq şöbə rəisləri Hamlet Mustafayev və Elnur Əhmədlinin cinayət işləri üzrə məhkəmə prosesi keçirilib.

"Report" un məlumatına görə, Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçirilən prosesdə zərərçəkənlər ifadə verib.

İfadə verən zərərçəkənlərdən biri də Perinatal Mərkəzin Təcili Tibbi Yardım şöbəsinin əməkdaşı Gülbahar Zülfüqarova olub.

O bildirib ki, mərkəzdə yanğın baş verəndə bir neçə nəfərlə söndürməyə çalışıblar:

"Anaları döşək qarışıq bayıra çıxarırdıq, özləri gəzə bilmirdilər. Biz qaçmadıq, hamımız orada idik. Mənim nəfəsimdən 15 gün qara tüstü çıxdı. Biz bunu kiməsə görə etmirdik, ora bizim evimiz idi. Mən gördüm ki, küvəz ortadan yanır. Soruşdum ki, kiməsə zəng etmisiz? Dedilər ki, "102"yə zəng etmişik. Doğum şöbəsinə qayıdıb "112"yə və Mehriban xanıma zəng elədim. Yenidən qayıtdım ora, küvəzlə yanaşı, jalüz də yanırdı. Biz bir neçə nəfərlə yanğını söndürməyə çalışırdıq. Mən özümü zərərçəkən hesab etmirəm. Təqsirləndirilən şəxslərə qarşı da hər hansı bir tələbim yoxdur".

Zərərçəkən Vaqif Hacıyevin sözlərinə görə, Perinatal Mərkəzdə mühafizəçi işləyib:

"Mühafizə Polisi ilə birgə xəstəxananın mühafizəsini təşkil edirdik. Həmin vaxt xəstə yox idi. Sonra kimsə dedi ki, dördüncü mərtəbədə yanğın var. Yanğınsöndürən balonu götürüb həmin mərtəbəyə getdim. Tüstüdən otağa yaxınlaşmaq mümkün deyildi. Küvəzin yandığını görmürdüm. Uzaqdan yanğını söndürməyə çalışırdıq. Yanğın baş verəndə siqnalizasiyanın işə düşdüyünü eşitmədim. Bir neçə dəfə yanğınla bağlı təlimlərdə iştirak etmişəm. Ona görə də bu sahədə müəyyən biliklərim var idi. Biz küvəzləri aşağı düşürməyə çalışırdıq. Həmin vaxt Mehriban xanımla Elnur müəllim də orada idi. Mən özümü zərərçəkən hesab etmirəm. Təqsirləndirilən şəxslərə qarşı da hər hansı bir tələbim yoxdur".

Daha sonra məhkəmədə iştirak etmək istəməyən bir neçə zərərçəkən barəsində məcburi gətirilmə qərarı çıxarılıb.

Proses aprelin 28-də davam edəcək.

Qeyd edək ki, ötən il yanvarın 9-da Respublika Perinatal Mərkəzində PHŞ-nin inzibati binasında baş vermiş yanğınla bağlı Baş Prokurorluqda Cinayət Məcəlləsinin müxtəlif maddələri ilə cinayət işi başlanaraq ibtidai istintaqın aparılması Baş Prokurorluğun İstintaq idarəsinə tapşırılıb.

İstintaqla müəyyən olunub ki, Mərkəzin Anesteziologiya, reanimasiya və intensiv terapiya şöbəsinin Yenidoğulmuşların intensiv terapiya bölməsinin yerləşdiyi dördüncü mərtəbədəki palatasında baş vermiş yanğın nəticəsində 7 yeni doğulmuş körpə ölüb, 4 nəfər xəsarət alıb, müəssisəyə isə ümumilikdə 361 min manat məbləğində maddi ziyan vurulub.

Mərkəzin direktoru vəzifəsində işləmiş Mehriban Abasquliyeva Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə) və 225.3-cü (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddələri, həmin mərkəzin şöbə rəisləri vəzifəsində işləmiş Hamlet Mustafayev və Elnur Əhmədli isə Cinayət Məcəlləsinin 225.3-cü maddəsi ilə təqsirləndirilən şəxs qismində cəlb edilərək onlara həmin maddələrlə nəzərdə tutulan ittiham elan edilib.

Xəbərin oxunma sayı : 796