AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Qarabağ“dan 8 oyunçu gedir - Nə baş verir?


Tarix 31.05.24, 10:51	Font ölçüsü : - / +

İyunun 2-də Azərbaycan çempionu "Qarabağ" üçün 2023/24 mövsümü başa çatacaq. Həmin gün Ağdam təmsilçisi Azərbaycan kubokunun finalında "Zirə" ilə üz-üzə gələcək. Həmin görüş bir sıra futbolçunun "köhlən atlar"dakı son matçı olacaq.

AzFakt.com Publika.az-a istinadla məlumatına görə, "Qarabağ" 8 futbolçu ilə yollarını ayıracaq.

Belə ki, Azərbaycan çempionu Andrey Lunyovun başa çatan müqaviləsini yeniləməyəcək. Buna səbəb təkcə futbolçu və meneceri ətrafında son günlər baş qaldıran qalmaqallar deyil. Rusiyalı qapıçının mövsümün ikinci yarısındakı performansı məşqçilər heyətində ciddi narahatlıq doğurub. Bundan əlavə, futbolçunun yüksək məvacib istəməsi onunla yolların ayrılmasına səbəb olan amillərdəndir.

Gürcüstan millisi ilə Avropa çempionatına yollanacağı dəqiqləşən Luka Quqeşaşvili də Ağdam təmsilçisini tərk etmək istəyir. O, ehtiyatda oturmaqdan bezib. Luka klubla hələ bir illik müqaviləsi olsa da, yeni komanda axtarışlarına başlayıb. Gürcü qapıçı böyük ehtimalla Avro-2024-dən sonra "Qarabağ"ı tərk edəcək.

Amin Ramazanov da həmkarları kimi "Qarabağ"ın sıralarını tərk etməyə yaxındır. Ancaq bu, icarə əsasında olacaq. 21 yaşlı qapıçı daha çox forma şansı qazanmaq üçün bir illik fasilədən sonra Premyer Liqaya qayıdan "Şamaxı"ya keçə bilər.

Meydan oyunçularından da gedənlər olacaq. Xüsusilə kapitan Maksim Medvedevi vurğulamaq lazımdır. Karyerası boyunca yalnız "Qarabağ"da çıxış edən müdafiəçi futbolla elə doğma klubunda vidalaşacaq. Onqat Azərbaycan çempionu bundan sonra da uşaq yaşlarından bağlı olduğu kluba xidmət edəcək.

Riçard Almeyda da "Qarabağ"ı tərk edəcək. Onun mövsümün sonunda bitəcək müqaviləsinin müddəti yenilənməyəcək. Braziliyalı futbolçunun bundan sonra yaşıl meydanlardan çıxış edib-etməyəcəyi bəlli deyil.

Hücum xəttində də ciddi ayrılıqlar olacaq. "Qarabağ"ı tərk edəcəyi dəqiqləşən əsas ad isə Adama Diakabidir. 2023-cü ilin yanvarında transfer edilən fransalı vinger gözləntiləri doğrultmadı. CV-də "Renn", "Monako", "Nottingem Forest", "Haddirsfild" kimi klub adları olsa da, o, "Qarabağ"da ön plana çıxa bilmədi. Diakabi ağdamlıların Avrokubok macərasını belə kənardan izlədi. Hələ 1 illik müqaviləsi olsa da, onunla yolların ayrılacağı dəqiqdir.

Ötən yay "Zirə"ni "Qarabağ"a dəyişən, ancaq əsas heyətdə özünə yer tapa bilməyən Hamidu Keyta klubu tərk etməyi planlaşdırır. O, daha çox oyun praktikası qazanmaq istəyir. Fransalı forvardın "Zirə"yə qayıtmaq ehtimalı yüksəkdir.

Ethiyat oyunçular skamyasının daimi üzvlərindən birinə çevrilən Redon Cica da "Qarabağ"ı tərk edəcək. Ağdam klubuna böyük ümidlərlə transfer edilən albaniyalı hücumçunun sözləşməsinin müddəti 2026-cı ilin yayına qədərdir. Durumundan məmnun olmayan futbolçu əməkdaşlığın davam etməsində maraqlı deyil. Cicanın vətənindən təklifi olduğu bildirilir.

Xəbərin oxunma sayı : 1219