Mütəxəssis mətbuat konfransında jurnalistlərin suallarını cavablandırıb:

– Çox məşq etməmişik. Əsas rəqibin üstün və zəif cəhətlərini təhlil etmişik. Oyunçular özləri də başa düşür ki, çətinlik olacaq. Vacib olan qələbə istəyidir, futbolçularda bunu görürəm. Milliyə gələnlər yaxşı vəziyyətdədir, demək olar, hamısı klublarında oynayanlardır. Sadəcə onları yığmaya uyğunlaşdırmaq lazımdır.

– Rəqibi izləmişik. Onları təhlil etmişik və oyunçularımıza izah etmişik ki, onlar nədə yaxşdırlar, nədə boşluqlar verirlər. Futbolçulara əsas izah etdiyimiz onların hücumu zamanı necə müdafiə olunacağımız və hücuma necə çıxacağımızdır. Rəqibin nələrdə güclü olduqlarını başa düşməliyik və qarşılarını almağa çalışmalıyıq.

– Milliyə gələnlər klublarında mütəmadi oynayır və fiziki formaları yaxşıdır. Səbirli olun, sabah hər şeyi görəcəksiniz.

– Oyunçular olaraq heç vaxt fərdi danışmıram.

– Əsas heyətlə bağlı hələ qərar verməmişəm.