Qol.az Britaniya mətbuatına istinadən xəbər verir ki, İngiltərə nəqliyyat naziri Qrant Şapps italyan fanatların koronavirusla bağlı Londona səfər etməmələrini istəyib. O bildirib ki, italiyalı fanatların sırf futbolla əlaqədar səyahət etdiklərini öyrənsələr, onların ölkəyə buraxılmasına icazə verilməyəcək. Şapps bir çox uçuşların təxirə salındığını da bildirib.

Qeyd edək ki, İngiltərə hökuməti İtaliyadan gələnlər üçün 10 günlük karantin qaydası tətbiq edir.

Xatırladaq ki, İtaliya - İngiltərə final matçı iyulun 11-də Londondakı “Uembli” stadionunda keçiriləcək.