AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

“Teatr direktorları özünü ağa kimi aparır” - deputat


Tarix 07.12.22, 10:35	Font ölçüsü : - / +

Aqil Abbasın yaşlı aktyorları müdafiə etməsinə dəstək gəldi

“Son zamanlar teatrlardan müraciətlər çoxdur. Yaşlı aktyorları məcburi qaydada təqaüdə göndərirlər”. Bu sözləri Milli Məclisin iclasında deputat Aqil Abbas deyib.

Deputat bildirib ki, sənətkarın yaşı olmur: “Şairə demək olar ki, 85 yaşdan sonra şeir yazma? Sənətkar yaradıcı adamdır. Aktyor da eləcə. Xüsusilə Gənc Tamaşaçılar Teatrı və başqalarından söhbət gedir. Mədəniyyət Nazirliyi bu işə əncam çəkməlidir. Teatr direktorları özlərini ağa kimi aparırlar. Tariyel Qasımov Azərbaycanın ən böyük aktyorlarından biridir, onu istefaya göndəriblər. Eləcə də başqalarını. Seyid Şuşinski, Xan Şuşinski neçə yaşına kimi oxuyub, o halda onlara deyərdik ki, oxuma?! Teatrları veriblər direktorların əlinə, onlar da istədiyi kimi davranır. Mədəniyyət Nazirliyi bu məsələyə diqqəti artırsın”.

Xatırladaq ki, buna qədər Gənc Tamaşaçılar Teatrından xalq artisti Lətifə Əliyeva, aparıcı aktyor Yasin Qarayev, tanınmış aktrisa Məsumə Babayeva işdən çıxarılıb.

“Aqil Abbasın Milli Məclisdə səsləndirdiyi fikirlər həqiqətdir. Sağ olsun ki, sənətkarları düşünərək, onların müdafiəsinə qalxıb”. Bu sözləri xalq artisti Tariyel Qasımov deyib. Xalq artisti Azərbaycanda yalnız bir teatrda yaşlı aktyorların işdən çıxarıldığını deyib: “Azərbaycan hər zaman yaşlı aktyorlar səhnədə olub. Rəhmətlik aktyor Ağasadıq Gəraybəyli 90 yaşını keçmişdi, gözləri görmürdü, amma səhnədə parlaq obrazlar yaradırdı. Rafiq Əzimovun 84 yaşı var, amma teatrda çalışır. Çoxdur belə aktyorlarımız... Yalnız Gənc Tamaşaçılar Teatrında yaşlı və ömrünü səhnəyə həsr edən sənət adamları işdən kənarlaşdırılır. Bunun da səbəbkarı həmin teatra təyin olunan direktordur. O xanım direktor kimə arxayındır, arxasında kim dayanır, bilmirəm. Hər halda, nazirlik buna göz yumur. O, digər yaşlı sənətkarlar kimi məni də teatrdan çıxardı. Gəldi ki, səninlə işləmək istəmirəm, vəssalam. Çünki istedadlı insanlarla, sənətkarla işləmək çətindir. Dünyanın heç bir ölkəsində sənətkara qarşı belə davranış olmayıb. Hətta xəstə aktyorları belə hörmət-izzətlə teatra gətiriblər. Həmin aktyorun səhnəyə çıxması bəs edib ki, o tamaşa anşlaqla keçsin”.

2016-cı ildə Gənc Tamaşaçılar Teatrından çıxarılan Yasin Qarayev bununla bağlı bir müddət əvvəl Moderator.az saytına açıqlamasında deyib: “Mədəniyyət Nazirliyi, teatr direktoru onlardan əvvəl qoyulan qanunların izi ilə gedir. Yaş senzi ilə bağlı məsələ ortaya çıxandan sonra bu haqda mətbuatda yazan, işıqlandıran ilk şəxs teatrşünas, professor İlham Rəhimli oldu. Mən də çalışdım ki, onun harayına səs verim. Ora-bura yazdım, müraciət etdim. Bu məsələ hazırkı Mədəniyyət Nazirliyinin, teatr direktorunun qəbul etdiyi qərar deyil. Mədəniyyət Nazirliyi, teatr direktoru onlardan əvvəl qoyulan qanunların izi ilə gedir. Onlar yeni qayda-qanun icad etməyiblər. Bunun kökünü axtarmaq lazımdır. Mən istərdim ki, Milli Məclisin Mədəniyyət komitəsinin sədri Qənirə xanım Paşayeva bu məsələyə aydınlıq gətirsin ki, qanunvericilikdə belə bir qərar varmı? Çox istərdim ki, bu problem Milli Məclisdə müzakirəyə çıxarılsın. Yaş senzi teatr adamlarına aid edilməməlidir.

2016-cı ildə mən də daxil olmaqla, 16 sənətkarı yarımştata keçirdilər. İşdən çıxarılmağımı teatr 70 illik yubileyimə bir “hədiyyə” etdi. Xalq artisti Tariyel Qasımovun yaşı 80-ni keçsə də, onu seriallara, filmlərə dəvət edirlər. Necə olur ki, teatrda işləyə bilmir, film və seriallara çəkilir?! Sağlamlıq durumu normal olan bir insandır. Təbii ki, insan yaşa dolur, cavanlıq illərindəki kimi sərbəst olmur, sağlamlığında qüsurlar olur. Aktyor bir az ağrıyan kimi onu götürüb teatrdan çıxarmırlar ki! Ağasadıq Gəraybəyli 90 illik yubileyində Knyaz obrazını oynadı. Mənim fikrimcə, evdə baba, nənə olduğu kimi, teatrda da yaşlı aktyorun olmağı vacibdir", - deyə sənətkar bildirib.

Yasin Qarayev – Yenicag.Az

Yasin Qarayev

Yasin Qarayev həmkarı Məsumə Babayevanın teatrdan uzaqlaşdırılmasına da münasibət bildirib:

“Həyatda iki qəbil insanlar var. Biri şanslı insanlardır, biri də şanssız. Mən Məsumə Babayevanı çoxdan tanıyıram, uzun illər bir yerdə çalışmışıq, qastrol səfərlərində, tamaşalarda olmuşuq. İlk tamaşamda - İsi Məlikzadənin "Sağlıq olsun" əsərində onunla sevgili obrazlarını oynamışıq. Çox yaxşı, duyumlu aktrisadır. Bütün tərəfdaşlarını qane edə biləcək dərəcədə istedadlı aktrisadır. Amma onun keçdiyi həyat yoluna diqqət yetirəndə bəxtsiz, şanssız aktrisalardan biri kimi onu görürəm. İnsan var ki, şansı qabağında oynayır. Çox heyfslənirəm. Tək teatr yox, Mədəniyyət Nazirliyi yox, onun yaşadığı rayon, icra hakimiyyəti, bələdiyyəsi də Məsumə xanımın problemləri ilə məşğul olmalıdır. Axı onların sakinidir, onların fəxri olan insandır. Məsumə xanıma cansağlığı arzulayıram".

Məsələ ilə bağlı Gənc Tamaşaçılar Teatrının rəhbərliyinin də mövqeyini öyrənməyə çalışsaq da zənglərimiz cavabsız qaldı.

Xəbərin oxunma sayı : 670