AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Aİ Azərbaycanı etibarlı enerji təchizatçısı kimi görür


Tarix 14.03.26, 16:05	Font ölçüsü : - / +

Martın 11-də Azərbaycan Prezidenti İlham Əliyevin Avropa İttifaqı Şurasının Prezidenti Antonio Koşta ilə rəsmi nahar zamanı geniş tərkibdə görüşü reallaşıb. Görüşdə etibarlı tərəfdaş kimi Azərbaycanın Avropanın enerji təhlükəsizliyinə töhfəsi kimi 10 Avropa ölkəsinə qaz ixrac etməsi xüsusi vuğulanıb. Təbii ki, Rusiya- Ukrayna müharibəsinin yaratdığı qlobad çətinliklərə rəğmən Azərbaycanın Avropanı qışın şaxtalı günlərində yanacaqla təchiz etməsi həmin ölkələr üçün həyati önəm daşıyırdı. Məhz bu səbəbdəndir ki, Avropa həmişə ölkəmizi özünün etibarlı qaz təminatçısı kimi qəbul edir.

Liderlərin görüşündə Orta Dəhlizin tərkib hissəsi kimi Zəngəzur dəhlizinin (TRIPP layihəsi) önəmi xüsusi vurğulanıb. Sözügedən dəhlizin davamı olan Naxçıvan dəmir yolu xəttinin bərpasında və yenidən qurulmasında Avropa İttifaqının iştirakı da mümkün hesab edilib. Məlumdur ki, Aİ bu yolun tezliklə istifadəyə verilməsinə yardım etsə Azərbaycanın loqistika və tranzit xətti daha da genişlənər ki, nətigədə də bundan hamı dividend qazanar.

Qədim İpək yolunun alternativ hesab edilən «Tramp marşrutu» Avropanı Orta Asiya və qitədəki digər ölkələrin ticari münasibətlərini və qarşılıqlı əməkdaşlığını genişləndirəcək. ABŞ Prezidenti Donald Trampbu barədə bildirib ki, həmin yoldan istifadə edən ölkələrin təhlükəsizliyinə zəmanət veriləcəkdir.

Bəli, Avropa İttifaqı Şurasının Prezidenti Antonio Koştanın ölkəmizə səfəri bir daha təsdiq edir ki, Avropa İttifaqı ölkəmizlə münasibətlərin inkişafında, iqtisadi əməkdaşlığı genişləndirməkdə maraqlıdır. Həmçinin Azərbaycan dövləti də öz milli maraqları çərçivəsində Avropa İttifaqı ilə əməkdaşlığa böyük önəm verir. Məlumdur ki, hazırda ölkəmiz Cənubi Qafqaz regionunun güc mərkəzi kimi çıxış etməklə bərabər, həm də önəmli geostrateji üstünlüklərə sahibdir. Məhz indi də Avropa ilə qarşılıqlı əməkdaşlıq siyasi və iqtisadi hədəflərə çatmaq üçün real vasitədir.

Təbii ki, bütün bunlar ölkəmizin yeni şəraitdə Avropa İttifaqı ilə əməkdaşlıq münasibətlərində önəmli məqamlardır. Prezident İlham Əliyevin mətbuata bəyanatında vurğuladığı kimi, Aİ Şurası Prezidentinin Azərbaycana səfəri indiki dövrdə çox uğurla inkişaf edən ikitərəfli əlaqələrimizin daha da inkişaf etdirilməsində mühüm rol oyanacaq. Dövlətimizin başçısı tərəfdaşlığımızın mühüm hissəsinin hər zaman enerji əməkdaşlığı olduğunu söyləyərək vurğulayıb: «Bu, xüsusən də 2022-ci ildə Enerji sahəsində Strateji Tərəfdaşlıq haqqında sənədi Avropa Komissiyası ilə imzaladığımızdan sonra müşahidə olunur. Həmin vaxtdan etibarən biz həm həcm, həm də ölkələrin sayı baxımından Avropa ölkələrinə qaz ixracımızı artırmışıq. Bu gün Avropa İttifaqının 10 üzvü Azərbaycandan qazı qəbul edir və ölkələrin ümumi sayı 16-ya çatıb. Bu göstəriciyə görə biz dünyada boru kəməri ilə qazı təchiz edən bir nömrəli ölkəyik. On altı ölkə bu gün Azərbaycan qazını alır və beləliklə, bir çox ölkələrin enerji təhlükəsizliyində oynadığımız rol artır».

A. Koşta çıxışında Azərbaycanın Avropa İttifaqının əsas tərəfdaşı olduğunu bildirib: «Ötən bir il ərzində biz münasibətlərimizi yenidən canlandırmışıq. Bugünkü görüş bizim xüsusilə təhlükəsizlik, enerji, rəqəmsal və nəqliyyat sahələrində əməkdaşlığın daha da inkişaf etdirilməsinə olan birgə öhdəliyimizin bariz əlamətidir.» O, həmçinin Prezident İlham Əliyevə xitabən deyib ki, Avropa İttifaqı bu günün çağırışlarını sabahın fürsətlərinə çevirmək üçün Azərbaycanla işləməyə sadiqdir.

Hər iki lider ölkəmizin regional daşımalarda, xüsusilə də Orta Dəhliz vasitəsilə Qara dəniz, Cənubi Qafqaz və Mərkəzi Asiya arasında nəqliyyat, ticarət, enerji və rəqəmsallaşma sahələrində əlaqələrin gücləndirilməsində oynadığı aparıcı rolu vurğulayıblar. Eləcə də, Avropa İttifaqı «Qlobal Qapı» çərçivəsində daşımalar, digər müvafiq mexanizmlər, o cümlədən Azərbaycan Respublikasının Naxçıvan Muxtar Respublikasında dəmir yolunun müasirləşdirilməsinə dəstək, həmçinin TRIPP-in icrası üzrə davam edən səylərlə bağlı Azərbaycanla əməkdaşlığa sadiqliyini bir daha təsdiqləyib. Onlar «Qlobal Qapı» təşəbbüsü çərçivəsində Azərbaycan-Aİ iqtisadi əməkdaşlığını və sərmayələrini gücləndirmək üçün İqtisadi Əməkdaşlıq üzrə Yüksəksəviyyəli İşçi Qrupunun yaradılmasını alqışlayıblar.

Səlmi Mehtiyeva

Xəbərin oxunma sayı : 841