AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Azərbaycanda 3 stadionu “yeyən“lərin işi yekunlaşır - Möhbalıyev dindirilmədi


Tarix 10.06.24, 18:08	Font ölçüsü : - / +

Bakı Ağır Cinayətlər Məhkəməsində Gəncə, Göygöl və s. yerlərdə olan stadionların qanunsuz satışı ilə bağlı məhkəmə araşdırmaları davam edir.

İşdə Azərbaycan Həmkarlar İttifaqları Konfederasiyasının sədri Səttar Möhbalıyevin adı keçir. Buna görə də onun məhkəməyə çağırılıb dindirilməsi tələb olunub. Lakin Səttar Möhbalıyev bu günə kimi prosesə qatılmayıb.

Hakim qarşısına “Məhsul” stadionunun direktoru Alik Həsənov və Azərbaycan Həmkarlar İttifaqları İdman Təşkilatları Assosiasiyasının sədri Nadir Əliyev çıxarılıblar.

Musavat.com xəbər verir ki, hakim Fərid Namazovun sədrliyi ilə keçirilən iclasda zərərçəkmişlərin nümayəndələri çıxış edib.

Vəkil Rəsul Yusifbəyli deyib ki, mülki iddia veriblər, heç bir ziyan ödənilməyib. O, təqsirləndirilən şəxsə ən ağır cəza verilməsini istəyib. Digər zərərçəkmişlərin nümayəndəsi Aslan İsmayılov və Ağaveyis Şahverdi də çıxış edib. Onlar da mülki iddialarının təmin olunmasını istəyiblər.

Daha sonra Alik Həsənovun vəkili müdafiə çıxışı edib. Vəkil Alik Həsənova həbslə əlaqəli olmayan cəza verilməsini xahiş edib.

Nadir Əliyevin vəkili çıxışa hazırlaşmaq üçün vaxt istəyib. Buna zərərçəkmişlərin vəkili A.İsmayılov etiraz edib. Deyib ki, Nadir Əliyevin vəkili məqsədli şəkildə prosesi uzadır. Hakim isə deyib ki, çıxışa hazırlaşmaq üçün vaxt istəməsi vəkilin hüququdur.

Qeyd edək ki, bundan əvvəl keçirilən prosesdə çıxış edən prokuror Nadir Əliyev və Alik Həsənovun hər birinin 11 il 6 ay azadlıqdan məhrum edilməsini istəyib.

Təqsirləndirilən şəxslərin üzərinə qoyulan əmlakların müsadirə olunmasını, zərərçəkmişlərə dəymiş ziyanın ödənilməsinə yönəlməsini xahiş edib.

İttihama görə, Nadir Əliyev və Alik Həsənov çoxmərtəbəli binaların tikintisiylə məşğul olan sahibkarlara stadion ərazisinin 5 milyon 500 minə satıldığını deyiblər.

Ərazini almaq istəyən sahibkarlardan isə həm beh, həm də Konfederasiya rəhbərliyinə vermək adıyla ümumilikdə 900 min manat pul milyon manata sata biləcəyini deməsi, bunun üçün aidiyyəti vəzifəli şəxslərə rüşvət vermək və müvafiq sənədləşdirmə işləri aparmaq adıyla onun 360 min manat pulunu ələ keçirməsinə də əsaslı şübhələr müəyyənləşdirilib.

Nadir Əliyev və Alik Həsənova qarşı Cinayət Məcəlləsinin 178.4 (xüsusilə külli miqdarda ziyan vurmaqla dələduzluq) və 32.4, 312.1 (rüşvət verməyə təhrik etmə) maddələri ilə ittiham irəli sürülüb. Cinayət işi üzrə 5 nəfər zərərçəkmiş qismində tanınıb.

Bunlar Rauf İsmayılov, Dadaş Umbatov, Həbib Zülfüqarov, Elçin Rüstəmov və Yusif Vəlixanovdur. Növbəti proses iyulun 29-a təyin edilib.

Xəbərin oxunma sayı : 943