AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Bakıda Azərbaycan və Rusiya baş nazirlərinin görüşü olub - FOTO


Tarix 17.11.22, 21:36	Font ölçüsü : - / +

Azərbaycan Respublikasının Baş naziri Əli Əsədovun və Rusiya Federasiyası Hökumətinin sədri Mixail Mişustinin Bakıda görüşü olub.

Bu barədə Nazirlər Kabineti məlumat yayıb.

Bildirilib ki, baş nazirlərin əvvəlcə təkbətək formatda keçirilmiş görüşü daha sonra iki ölkənin nümayəndə heyətlərinin iştirakı ilə geniş tərkibdə davam edib.

Söhbət zamanı müxtəlif sahələrdə Azərbaycan-Rusiya münasibətlərinin inkişafından məmnunluq ifadə edilib.

Görüşün yekunlarına əsasən bir sıra ikitərəfli sənədlərin imzalanması fəal və səmərəli işin məntiqi nəticəsi kimi qiymətləndirilib. Əminliklə bildirilib ki, bu sənədlər iqtisadi-ticari, nəqliyyat və səhiyyə sahələrində ikitərəfli əməkdaşlığın genişləndirilməsi üçün yeni imkanlar açacaq.

İqtisadi əlaqələrin durmadan inkişaf etməsi xüsusi vurğulanıb. Diqqətə çatdırılıb ki, cari ilin 10 ayı ərzində qarşılıqlı ticarətin həcmi təqribən 20 faiz artıb və 3 milyard dollara yaxın olub.

İnvestisiya əməkdaşlığını daha da inkişaf etdirməyin vacibliyi vurğulanıb. Bununla əlaqədar iki ölkənin işgüzar dairələri arasında birbaşa əlaqələrin yaradılmasında, əməkdaşlığın inkişafında Azərbaycan-Rusiya və Rusiya-Azərbaycan işgüzar şuralarının fəal rolu xüsusi qeyd edilib.

Nəqliyyat-tranzit sahəsində əməkdaşlığın davamlı inkişafından məmnunluq ifadə olunub. Vurğulanıb ki, bu ilin əvvəlindən Azərbaycan ilə Rusiya arasında yükdaşımaların ümumi həcmi təqribən 22 faiz artıb.

Azərbaycandan keçən nəqliyyat dəhlizləri vasitəsilə Rusiya yüklərinin tranzit daşınmasının əhəmiyyətli dərəcədə artması qeyd edilib. Bildirilib ki, 2022-ci ilin yanvar-oktyabr aylarında bu artım 98 faizə bərabər olub.

Tərəflər bu fikirlə razılaşıblar ki, Şimal-Cənub Beynəlxalq Nəqliyyat Dəhlizi prioritet əhəmiyyət kəsb edir. Bu dəhlizin inkişaf etdirilməsi məqsədilə iki ölkənin əlaqələndərilmiş şəkildə fəaliyyətindən məmnunluq ifadə olunub.

Azərbaycan torpaqları işğaldan azad ediləndən sonra regionda yaranmış yeni əməkdaşlıq imkanlarının əhəmiyyəti xüsusi qeyd edilib, o cümlədən Zəngəzur dəhlizinin vacibliyi vurğulanıb.

Görüşdə sənaye sahəsi ikitərəfli münasibətlərin əsas istiqaməti kimi səciyyələndirilib. Azərbaycanda birgə layihələrin, o cümlədən kommersiya yük avtomobillərinin istehsalı və yığılması, dərman preparatlarının istehsalı üzrə birgə layihələrin uğurla həyata keçirilməsi qeyd edilib.

Neft-qaz sahəsində əməkdaşlığın müsbət məcrada inkişafı və bərpaolunan enerji mənbələri sahəsində qarşılıqlı fəaliyyətin perspektivləri vurğulanıb.

Mədəni-humanitar və regionlararası əməkdaşlığın ənənəvi yüksək səviyyəsindən məmnunluq ifadə edilib.

Tərəflər qarşılıqlı faydalı əməkdaşlığın bütün spektri üzrə səyləri daha da artırmaq əzmində olduqlarını bildiriblər.

Görüşün yekunlarına əsasən bir sıra sənədlər imzalanıb.