AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Bakının küçələrində zibilyandıranlar peyda olublar - VİDEO


Tarix 26.09.23, 12:17	Font ölçüsü : - / +

Bakının Xətai rayonunda yenə zibilyandıranlar peyda olublar. Rayonun Nəsrəddin Tusi küçəsinin sakinləri onların əlindən təngə gəliblər. Maraqlısı isə budur ki, zibilyandıranların kim olduğu və hansı məqsədlə bunu etdikləri bəlli deyil.

Bizim.media-ya müraciət edən N.Tusi, 38 ünvanında yaşayan sakinlərdən birinin verdiyi məlumata görə, binanın həyətində, məşhur “Afrodita” şadlıq sarayına yaxın məişət tullantıları üçün nəzərdə tutulmuş qabların yanında zibil yandırmaq üçün xüsusi yer də düzəldiblər.

“Vaxtaşırı burada taxta, ağac budaqları, plastmas qablar yandırılır. Ocaq qalanan yeri dəmirlə hasara alıb, xüsusi yer düzəldiblər. Ətrafa yayılan pis qoxudan evdə oturmaq mümkün olmur. Ocağın tüstüsü qurutmaq üçün eyvana atdığımız paltarlara hopur. Üstəlik ətrafdakı ağacları da qurudur. Hər tərəf yaşayış binası və məktəbdir. Dəfələrlə bununla bağlı şikayət etsək də Mənzil İstismar Sahəsi heç bir tədbir görmür”, - deyə sakin şikayətlənib.

Qeyd edək ki, qanun məişət tullantılarını açıq havada yandırmağı qadağan edir. Zibili xüsusi texnologiyalardan istifadə etməklə yalnız qapalı yerdə yandırmaq lazımdır.

Əraziyə nəzarət edən Xətai Mənzil Kommunal Təsərrüfat Birliyinin 87 saylı mənzil-kommunal istismar sahəsi ilə əlaqə yaradılıb. Qurum rəsmisi Sədaqət Əliyevanın sözlərinə görə, özləri də bu vəziyyətdən şikayətçidirlər:

“Məsələdən xəbərimiz var. Amma zibilin kimlər tərəfindən yandırılmasından xəbərsizik. Zibili yandıranlar bizim əməkdaşlar deyil və hamısına da bildirilib ki, məişət tullantılarını yandırmaq olmaz. Zibilin yandırılmasının ekologiyaya nə qədər ziyan vurduğunu yaxşı bilirik. Elə ona görə də bütün əməkdaşlara bu barədə tapşırıq verilib. Yəni bizim işçilərimizin bu addımı atması mümkün deyil. Həm bu hadisə iş vaxtımız bitəndən - 6-dan sonra baş verir. İş vaxtında isə biz əraziyə nəzarət edirik”.

Sədaqət Əliyeva bu azmış kimi MİS-ə aid məişət tullantıları yeşiklərinin də yandırıldığını deyib:

“Bizim yeşikləri də yandırırlar. Dəfələrlə bu hal təkrarlanıb. Bunu bizim işçilər edərmi? Xətai Rayon Polis Şöbəsinə müraciət etmişik və Xətai Mənzil Kommunal Təsərrüfat Birliyinə xəbərdarlıq olunub, eləcə də məktub ünvanlanıb. Əslində səbəbkarları görsək, özümüz cəzalandırarıq”, - deyə idarə rəsmisi əlavə edib.

Məlumat üçün bildirək ki, zibillər yandırılarkən, müxtəlif zəhərli qazlar, o cümlədən dioksin xaric olunur.

Dioksin isə insan sağlamlığı üçün potensial təhlükə mənbəyidir. Dioksin uşaqların şikəst doğulmasına səbəb olur. Zibilliklərin yandırılması uşaqların inkişafına mənfi təsir edir. Yandırılan zibillərdən xaric olunan qazlar uşaqlarda mədə-bağırsaq xəstəliklərinə də səbəb olur. Həkimlərin bildirdiyinə görə zəhərlənmiş hava ilə nəfəs alan insanların ağciyər, qırtlaq xərçəngi, bronxial astma, iflic xəstəliyinə tutulması ehtimalı artır.

Zəhərli qazlardan qan damarlarının qan dövranı pozulur, beyində müxtəlif şişlər yaranır. Uzun müddət zibil yandırılan ərazidə yaşayan şəxslər xərçəngə tutulma riskinə girirlər. Yeri gəlmişkən, son zamanlar xərçəng və qan xəstəliklərinin sayının artmasına səbəb də havanın çirklənməsi və ekoloji problemlərdir.

Xəbərin oxunma sayı : 778