AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sertifikatı ləğv olunub, fəaliyyəti davam edir: Seymur Məmmədovu kim qoruyur?


Tarix 04.11.26, 12:51	Font ölçüsü : - / +

Üç ölüm hadisəsi, ləğv edilmiş sertifikat və cavabsız suallar... Aidiyyəti qurumlar hərəkətə keçmək üçün daha nəyi gözləyir?

Mediatvaz.com-un redaksiyasına daxil olan məlumatlar səhiyyə sahəsində ciddi narahatlıq doğuran bir sıra sualları yenidən gündəmə gətirir. Söhbət estetik və plastik əməliyyatlar aparmaq üçün sertifikatının ləğv edildiyi bildirilən Seymur Məmmədovdan və onun hazırda da “İnterneyşnl Medikl Sentr-2” tibb mərkəzində fəaliyyətini davam etdirməsi ilə bağlı iddialardan gedir.

Ortaya son dərəcə ciddi sual çıxır: Müvafiq sertifikatı ləğv edilmiş şəxs hansı hüquqi əsasla estetik və plastik əməliyyat fəaliyyəti göstərə bilər?

Daha bir sual: Bəs səhiyyəyə nəzarət edən qurumlar haradadır? Sertifikatın ləğv edilməsi barədə qərar varsa, onun icrasına kim nəzarət edir? Tibb müəssisəsinin rəhbərliyi bu vəziyyətdən xəbərdardırmı? Xəbərdardırsa, hansı əsasla belə bir fəaliyyətə şərait yaradılır?

Məsələni daha da həssas edən isə Seymur Məmmədovun adı ətrafında əvvəllər də ölüm hadisələri ilə bağlı məlumatların yayılmasıdır.

Xatırladaq ki, cari ilin avqust ayında Kəpəz Hospitalda onun tərəfindən həyata keçirildiyi bildirilən plastik əməliyyatdan sonra Almaniya vətəndaşı olan türkəsilli Tulin Turpun vəfat etməsi barədə xəbərlər yayılmışdı. Bundan əvvəl isə Nilufər Abdulla və Pərvanə Mirzəyevanın “Etalon” klinikasında onun tərəfindən həyata keçirildiyi bildirilən əməliyyatlardan sonra vəfat etmələri barədə məlumatlar mətbuatda dərc olunmuşdu.

Səhiyyə sistemində insan həyatı ilə bağlı risklərə münasibət bu qədərmi laqeyddir?

Əgər bir həkimin konkret tibbi fəaliyyət növü üzrə sertifikatı ləğv edilibsə, həmin fəaliyyətin başqa tibb müəssisəsində davam etdirilməsinə necə yol verilə bilər? Sertifikatın ləğvi yalnız kağız üzərində qalan qərardırmı? Yoxsa qanunun tələblərindən yayınmağın yolları mövcuddur?

“İnterneyşnl Medikl Sentr-2” rəhbərliyinə də ünvanlanan suallar az deyil. Müəssisənin rəhbərliyi Seymur Məmmədovun sertifikatının ləğv edilməsi barədə məlumatlıdırmı? Onun hansı hüquqi sənədlər əsasında fəaliyyət göstərməsinə icazə verilir? Əgər həmin şəxsin estetik əməliyyat aparmaq hüququ yoxdursa, bu əməliyyatların həyata keçirilməsinə kim razılıq verir və kim məsuliyyət daşıyır?

Daha ciddi sual isə budur: Seymur Məmmədovun fəaliyyətini davam etdirməsində maraqlı olan və ya buna şərait yaradan şəxslər kimlərdir?

Əgər belə bir himayəçilik mövcuddursa, onun arxasında kim dayanır?

Yeni səhiyyə naziri Anar Bayramovun da diqqətinə çatdırmaq istərdik: səhiyyə sistemində vətəndaşların təhlükəsizliyi yalnız rəsmi açıqlamalarla təmin edilmir. Bu sahədə əsas məsələ qanunun hamıya eyni tətbiq olunması, nəzarət mexanizmlərinin işləməsi və insan həyatına təhlükə yarada biləcək qanunsuz fəaliyyət iddialarının vaxtında araşdırılmasıdır.

Seymur Məmmədovun sertifikatının ləğvi barədə qərar qüvvədədirsə, onun icrasına niyə nəzarət edilmir? Səhiyyə Nazirliyi və digər aidiyyəti qurumlar bu məsələyə nə zaman aydınlıq gətirəcəklər?

Burada söhbət hansısa şəxslə şəxsi mübahisədən, kiminsə peşə fəaliyyətinə mane olmaqdan getmir. Söhbət insan həyatından, pasiyentlərin təhlükəsizliyindən və tibb müəssisələrində qanunun aliliyindən gedir.

Xəbərin oxunma sayı : 835