AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Paşinyan qəti qərara gəlib - Rusiyanın reaksiyası necə olacaq?


Tarix 05.11.26, 15:12	Font ölçüsü : - / +

Ermənistanın Avropa İttifaqına (Aİ) inteqrasiya yolunda Rusiya, Qazaxıstan, Belarus, Ermənistan və Qırğızıstanın birləşdiyi Avrasiya İqtisadi Birliyindən (AİB) çıxmaqdan başqa çarəsi yoxdur.

Bu barədə Ermənistan mediası Baş nazir Nikol Paşinyana istinadla məlumat yayıb.

"Hazırda AİB-dən çıxmaqdan başqa çarəmiz yoxdur, lakin proses 2027-2028-ci illərdə Aİ-yə üzvlük prosesinə başlamaq üçün rəsmi olaraq ərizə təqdim edəcəyimiz nöqtəyə yaxınlaşır", - deyə Ermənistan hökumətinin başçısı bildirib.

Bundan öncə Rusiya hakimiyyətinin bir çox təmsilçiləri və Kremlə yaxın təbliğatçılar Ermənistanın bu qurumdan çıxmasının ölkədə az qala iqtisadi kollaps yaradacağı, Rusiyanın Ermənistana verdiyi təbii qazı dəfələrlə bahalaşdıracağı və s. barədə xəbərdarlıqlar, hətta təhdidlər etmişdilər.

Rusiya Prezidenti Vladimir Putin özü də Ermənistanın Avropaya inteqrasiya yolunda AİB-dən çıxacağı təqdirdə İrəvanı gözləyən çətinliklər barədə xəbərdarlıq etmişdi. Rusiya başçısı vurğulayıb ki, İrəvan quruma üzv dövlətlərin azad ticarət müqavilələrinə çıxışını itirəcək. Ən əsası isə qeyd edib ki, “Ukraynadakı böhran” Ermənistandakına bənzər bir vəziyyətdən başlayıb…

Əksər ekspertlər bu təhdidlərin təsadüfi olmadığını bildirir. Doğrudan da Ukraynadakı münaqişənin əsası rəsmi Kiyevin Avropaya inteqrasiya planları və bu istiqamətdə atılan addımlarla qoyulmuşdu.

Əslində, Moskva çoxdandır Paşinyandan Aİ və AİB arasında seçim etməsini tələb edir, lakin bu qərarın əhali arasında referendum keçirməklə verilməsini istəyir. Ancaq Paşinyan heç bir referendum keçirmək fikrində olmadığını bildirir.

İndi Paşinyanın son açıqlamasına Rusiyadan müxtəlif səviyyələrdə kəskin reaksiya veriləcəyi ehtimalı yüksəkdir. Xüsusilə də dünən rusiyapərəst erməni milyarder və müxalif “Güclü Ermənistan” partiyasının sədri Samvel Karapetyanın həbsi fonunda Paşinyanın “AİB-dən çıxırıq” mesajı verməsi Rusiya-Ermənistan münasibətlərini daha da gərginləşdirə bilər.

Xəbərin oxunma sayı : 592