AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Dünya ölkələri nəyə hazırlaşır? - 33 ölkə vətəndaşlarına xəbərdarlıq etdi


Tarix 03.11.26, 13:40	Font ölçüsü : - / +

Dünyanın 33 ölkəsi mümkün qlobal böhranlar, təbii fəlakətlər və təhlükəsizlik riskləri fonunda vətəndaşlarına fövqəladə vəziyyətlərə hazır olmaq çağırışı edib.

AzFakt.com xarici mediaya istinadən xəbər verir ki, əhaliyə elektrik enerjisi, rabitə və ərzaq təchizatında yarana biləcək fasilələrə qarşı ən azı 72 saatlıq ehtiyat yaratmaq tövsiyə olunub.

Beynəlxalq təhlükəsizlik risklərinin artması fonunda müxtəlif ölkələrin hökumətləri əhalinin fövqəladə vəziyyətlərə hazırlıq səviyyəsini yüksəltmək üçün tədbirlər görür.

Tövsiyələrə əsasən, vətəndaşlar mümkün böhran zamanı dövlət qurumlarının köməyi olmadan bir neçə gün müstəqil şəkildə yaşamağa hazır olmalıdırlar.

Mütəxəssislərin qiymətləndirmələrinə görə, xəbərdarlıqların əsas səbəbləri arasında kiberhücumlar, kritik infrastrukturun sıradan çıxması, təbii fəlakətlər və beynəlxalq hərbi-siyasi gərginliklər yer alır.

Xüsusilə Ukrayna müharibəsi, Yaxın Şərqdəki vəziyyət və Tayvan ətrafında artan gərginliyin qlobal ticarətə, enerji təchizatına və nəqliyyat sistemlərinə təsir edə biləcəyi bildirilir.

Bundan başqa, Fransada marketlərin soyutma sistemlərinə yönələn kiberhücumlar nəticəsində ərzaq məhsullarının yararsız hala düşməsi kimi hadisələr infrastruktur təhlükəsizliyinin əhəmiyyətini bir daha gündəmə gətirib.

Yaponiyada isə zəlzələ və vulkan püskürməsi ehtimallarına qarşı hazırlıq tədbirləri gücləndirilir.

Tövsiyə olunan hazırlıq müddəti ölkələrə görə dəyişir. Avropa İttifaqı səviyyəsində və Böyük Britaniyada vətəndaşların ən azı 72 saatlıq ehtiyat yaratması təşviq olunur.

Almaniyada bu müddət 10 gün, Avstriyada isə 14 günədək tövsiyə edilir. İsveç, Norveç, İsveçrə və Tayvanda da əhalinin ən azı bir həftəlik ehtiyatla təmin olunması istiqamətində çağırışlar mövcuddur.

Şimali və Cənubi Amerika, Asiya və Okeaniya ölkələrində də oxşar hazırlıq tövsiyələri tətbiq edilir.

Mütəxəssislər mümkün elektrik və rabitə kəsintilərinə qarşı hər bir ailənin xüsusi ehtiyat çantası hazırlamasını tövsiyə edirlər.

Belə çantalarda aşağıdakı vasitələrin olması vacib hesab edilir:

İçməli su və uzun müddət saxlanıla bilən ərzaq məhsulları;

Konservlər və bişirilməsi tələb olunmayan qidalar;

İlk yardım çantası və müntəzəm istifadə edilən dərmanlar;

Əl fənəri və ehtiyat batareyalar;

Powerbank və batareya ilə işləyən radio;

Nağd pul və vacib sənədlərin surətləri;

Su təmizləyici vasitələr;

Ev heyvanları üçün yem ehtiyatı.

Tövsiyələrə əsasən, hər bir insan üçün gündəlik 1,5-2 litr içməli su ehtiyatının saxlanılması da vacibdir.

Burada əsas məqsəd mümkün təbii fəlakətlər, kiberhücumlar, elektrik kəsintiləri və digər fövqəladə hallarda əhalinin dövlət qurumlarının müdaxiləsinədək öz əsas ehtiyaclarını qarşılaya bilməsini təmin etməkdir.

Fövqəladə vəziyyətlərə hazırlıq çağırışı edən 33 ölkə aşağıdakılardır:

Avstriya, Almaniya, İsveç, Norveç, İsveçrə, Estoniya, Böyük Britaniya, İrlandiya, Fransa, Niderland, Danimarka, Finlandiya, Latviya, Litva, Polşa, Çexiya, Xorvatiya, ABŞ, Kanada, Meksika, Çili, Kolumbiya, Braziliya, Argentina, Yaponiya, Tayvan, İsrail, Hindistan, Filippin, Sinqapur, Avstraliya, Yeni Zelandiya və Cənubi Afrika Respublikası.

Xəbərin oxunma sayı : 997