AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Məsciddə namaz qılıb yatdı, pulları oğurlandı - TƏFƏRRÜAT)


Tarix 31.07.25, 19:54	Font ölçüsü : - / +

Bakı Dövlət Universitetinin tələbə şəhərciyi ərazisində yerləşən İlahiyyat məscidinin ikinci mərtəbəsində yatan vətəndaşın pullarını oğurlayan şəxsə hökm oxunub.

Qaynarinfo-nun məlumatına görə, 1977-ci il təvəllüdlü, Sabirabad rayonunda anadan olmuş N.F.-nin Cinayət Məcəlləsinin 177.2.2-ci (oğurluq – zərərçəkmiş şəxsə xeyli miqdarda ziyan vurmaqla törədildikdə) maddəsi ilə təqsirləndirilməsinə dair cinayət işi üzrə açıq məhkəmə iclası keçirilib.

Məhkəmə araşdırması zamanı məlum olub ki, N.F. Bakı şəhəri, Yasamal rayonu, Mirəli Seyidov küçəsində yerləşən İlahiyyat məscidinin ikinci mərtəbəsində yatan 30 yaşlı S.H.-nın cibindən pul qabını oğurlayıb. Pul qabının içində 655 manat olduğunu görən təqsirləndirilən şəxs həmin məbləği götürərək məscidi tərk edib və şəxsi ehtiyaclarına xərcləyib.

Zərərçəkmiş ifadəsində bildirib ki, məscidə camaatla birlikdə sübh namazı qılmaq üçün gedib. Oraya çatdıqda namaz artıq başa çatıbmış. Buna görə də o, ikinci mərtəbəyə qalxaraq namazını təkbaşına qılıb və sonra həmin yerdə uzanaraq təxminən iki saat yatıb. Elə bu müddət ərzində oğurluq hadisəsi baş verib.

Araşdırmalar nəticəsində N.F.-nin daha bir cinayət əməli törətdiyi də üzə çıxıb. Belə ki, E.V. adlı xanım kredit götürmək məqsədilə qızıl-zinət əşyalarını banka girov qoymaq üçün əl çantasına yığıb və 194 nömrəli marşrut avtobusu ilə banka yollanıb. Lakin avtobusda əl çantasını oturacaqda unudub. N.F. isə həmin çantanı oğurlayıb.

Çantanın içində:

* 140 manat dəyərində eynək,

* 185 manatlıq qadın saatı,

* 750 əyyarlı, 9.5 qramlıq və 1300 manat dəyərində qızıl sırğa,

* 585 əyyarlı, 6 qramlıq və 600 manatlıq qızıl boyunbağı,

* 10 manat dəyərində pul kisəsi,

* 45 manat nağd pul olub.

Nəticədə zərərçəkmişə ümumilikdə 2330 manat maddi ziyan dəyib. Məhkəmənin hökmü ilə N.F. 1 il 11 ay 28 gün müddətinə azadlıqdan məhrum edilib.

Xəbərin oxunma sayı : 904