AzFakt

Kamran Ağayevlə bağlı inanılmaz iddialar: Əhmədzadənin xalası oğlunun şirkəti qaçaqmalçılıq edir?..

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Keçmiş qayınatasını öldürüb, avtomobillə üstündən keçdi, qayınanasını bıçaqladı - TƏFƏRRÜAT


Tarix 13.10.25, 19:50	Font ölçüsü : - / +

Şamaxı rayonunda qayınatasını xüsusi amansızlıqla öldürməkdə, qayınanasını isə bıçaqlamaqda təqsirləndirilən Elbrus Şeydayevin cinayət işi üzrə məhkəmə prosesi başa çatıb.

Oxu.Az-ın məlumatına görə, prosesdə təqsirləndirilən şəxsə hökm oxunub. Məhkəmənin hökmü ilə E.Şeydayev 20 il azadlıqdan məhrum edilib.

İttihama görə, hadisə Şamaxı rayonunun Əngəxaran kəndi ərazisində baş verib.

1995-ci il təvəllüdlü Elbrus Şeydayev 2022-ci ildə Nazlı Hüseynova ilə ailə həyatı qurub. Onlar ailə həyatı qurandan sonra Əngəxaran kəndində, Elbrusun anasına məxsus evdə yaşamağa başlayıblar.

Evləndikləri vaxtdan iki il keçməsinə baxmayaraq, cütlüyün övladı olmayıb. Elə bu məsələ də ailədə narazılıqlar yaradıb.

Prosesdə ifadə verən təqsirləndirilən şəxs Elbrus Şeydayev bildirib ki, övladlarının olmaması ilə bağlı qayınanası Püstə tez-tez onlara gələrək onun həyat yoldaşı Nazlı Hüseynovanın boşanmasını tələb edirmiş. 2024-cü ildə Püstə, həyat yoldaşı Əliağa Hüseynov və oğlu ilə gəlib, Nazlı Hüseynovanı götürüb Hökməli qəsəbəsindəki evlərinə aparıb. Elbrus Şeydayev dəfələrlə həyat yoldaşı ilə danışsa da, Nazlı Hüseynova evə qayırtmayıb və ondan boşanacağını deyib.

Nəhayət, bir müddət sonra ailə rəsmən boşanıb, Nazlı Hüseynova isə Elbrus Şeydayevin nömrəsini blok edib.

Hadisədən əsəbiləşən Elbrus qayınanasından qisas almaq qərarına gəlib. O, bir gün səhər saatlarında Əliağa Hüseynovun Əngəxaran kəndindəki evinin yaxınlığından keçərkən, həyət qapısının açıq olduğunu görüb. O, həyəti müşahidə edərkən kimsə qapını bağlayıb. Elbrus tam əmin olub ki, Əliağa Hüseynov və həyat yoldaşı Püstə Hüseynova həmin evdədirlər. O, dərhal evə gələrək özü ilə mətbəx bıçağı götürüb idarə etdiyi avtomobillə evin yaxınlığındakı yanacaqdoldurma məntəqəsində dayanıb, onların evdən çıxmasını gözləyib. Püstə Hüseynova ilə Əliağa Hüseynov evdən çıxıb dayanacağa gedərkən, Elbrus Şeydayev avtomobili onların üzərinə sürüb. Ər-arvad avtomobilin onları vuracağını görüb avtomobilin qarşısından qaçıb, kənara çəkiliblər. Bu vaxt Elbrus avtomobildən düşərək, əlindəki bıçaqla keçmiş qayınanası Püstə Hüseynovaya hücum edib. O, Püstə Hüseynovaya qarın nahiyəsindən bir neçə zərbə endirib. Bu vaxt orada olan qadının əri Əliağa Hüseynov daş parçaları ilə Elbrusa hücum edib. Elbrus isə qadını buraxıb Əliağa Hüseynova hücum edib və ona əlindəki bıçaqla bir neçə zərbə endirib. O, daha sonra idarə etdiyi avtomobilə əyləşərək hər iki şəxsi öldürmək üçün yaralıların üzərindən maşınla keçmək istəyib. Bu vaxt qadın hadisədən yayınsa da, Əliağa Hüseynov avtomobilin təkərləri altında qalaraq dünyasını dəyişib.

Hadisəni törədən Elbrus Şeydayev Şamaxı Rayon Polis Şöbəsinə gedərək təslim olub.

Hadisə nəticəsində 1979-cu il təvəllüdlü Əlağa Hüseynov hadisə yerində ölüb, həyat yoldaşı, 1985-ci il təvəllüdlü Püstə Hüseynovaya isə yoldan keçən şəxslərin köməyi ilə xəstəxanaya çatdırılıb.

Faktla bağlı cinayət işi başlanıb, E.Hüseynov barəsində həbs qətimkan tədbiri seçilib.

Xəbərin oxunma sayı : 1324