AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Qobustan Xəstəxanasının direktoru haqqında ilginc iddialar - Rezidentura təhsili olmadığı halda...


Tarix 19.02.26, 13:57	Font ölçüsü : - / +

TƏBİB-in və ləğv edilmiş Azərbaycan Beynəlxalq Universiteti məzunu olan Qobustan Rayon Mərkəzi Xəstəxanasının direktorunun cavablandıra bilmədiyi suallar...

Azərbaycan səhiyyə sistemində baş verən kadr dəyişiklikləri və son dövrlərdə artan narazılıqlar fonunda, TƏBİB rəhbərliyindəki dəyişikliklər yalnız idarəetmə məsələsi deyil, həm də hüquqi və ictimai məsuliyyət məsələsi kimi qiymətləndirilməlidir. Keçmiş rəhbər Vüqar Qurbanov dövründə edilən təyinatlarla bağlı ortaya çıxan suallar isə bu günədək cavabsız qalır.

23 yanvar 2026-cı il tarixində Mediatv.az redaksiyası tərəfindən 10/341 nömrəli məktubla TƏBİB-ə rəsmi informasiya sorğusu göndərilib. Sorğuda Qobustan Rayon Mərkəzi Xəstəxanası direktoru Günay Muradova barədə daxil olmuş ziddiyyətli məlumatlara aydınlıq gətirilməsi xahiş olunub. Lakin bir aya yaxın müddət keçməsinə baxmayaraq, heç bir rəsmi cavab verilməyib.

Bu isə birbaşa “İnformasiya əldə etmək haqqında” Azərbaycan Respublikasının Qanununun tələblərinin pozulması kimi qiymətləndirilə bilər. Həmin qanuna görə, dövlət orqanları informasiya sorğusuna müəyyən edilmiş müddətdə cavab verməyə borcludur,cavab verməmək və ya əsassız şəkildə gecikdirmək informasiya əldə etmək hüququnun məhdudlaşdırılması hesab olunur. Beləliklə, dövlət qurumunun susqunluğu artıq sadəcə etik məsələ deyil - hüquqi məsuliyyət doğura biləcək davranışdır.

Təhsil və ixtisas məsələsi: hüquqi boşluq, yoxsa açıq pozuntu?

Daxil olan məlumatlarda bildirilir ki, xəstəxana rəhbəri Günay Muradova ləğv edilmiş Azərbaycan Beynəlxalq Universiteti məzunu olduğu və rezidentura təhsili olmadığı iddia olunur. Əgər bu məlumatlar təsdiqlənərsə, ortaya ciddi hüquqi sual çıxır, rezidentura təhsili olmayan şəxs dövlət tibb müəssisəsinə rəhbər təyin oluna bilərmi?

Azərbaycanın səhiyyə qanunvericiliyi və peşə standartları göstərir ki, tibbi fəaliyyət və idarəetmə vəzifələri müvafiq ixtisas və peşə hazırlığı tələb edir,rəhbər vəzifələrdə çalışan şəxslərin peşə kompetensiyası və ixtisas uyğunluğu təmin edilməlidir,dövlət tibb müəssisələrində rəhbər təyinatları şəffaf və əsaslandırılmış meyarlara söykənməlidir.Əgər rezidentura və ya ekvivalent ixtisaslaşma zəruri şərtdirsə, bu şərtin necə yan keçildiyi barədə ictimaiyyətə rəsmi izah verilməlidir. Əks halda, bu, idarəetmə səlahiyyətindən sui-istifadə və ya normativ tələblərin pozulması şübhəsini yaradır.

Xəstəxanada fəaliyyətin dayanması iddiaları – mümkün hüquqi nəticələr

İddialara görə, xəstəxanada istilik sisteminin işləməməsi səbəbindən stasionar şöbələr fəaliyyətini dayandırıb, xəstə qəbulu mümkün olmayıb və tibbi personal məcburi məzuniyyətə göndərilib.

Bu məlumatlar təsdiqlənərsə, vətəndaşların tibbi xidmətə çıxış hüququnun pozulması,əmək qanunvericiliyinin mümkün pozuntuları,dövlət büdcəsi hesabına maliyyələşən müəssisədə idarəetmə məsuliyyətinin yerinə yetirilməməsi kimi hüquqi nəticələr gündəmə gələ bilər.

“Əhalinin sağlamlığının qorunması haqqında” Qanun dövlətin əhalinin fasiləsiz tibbi xidmətlə təmin edilməsinə məsul olduğunu açıq şəkildə müəyyən edir. Dövlət xəstəxanasının faktiki fəaliyyət göstərməməsi isə bu prinsipin ciddi şəkildə sual altına düşməsi deməkdir.

Günay Muradovanın təyinatı hansı meyarlarla aparılıb, təhsil və ixtisas sənədləri yoxlanılıbmı və xəstəxanadakı idarəetmə problemlərinə görə kim məsuliyyət daşıyır?

Səhiyyə sistemi eksperiment meydanı deyil. Burada edilən hər bir təyinat birbaşa insan həyatına təsir edir. Peşəkar standartların pozulması ehtimalı belə ictimai narahatlıq yaratmaq üçün kifayətdir.

Bu gün cəmiyyətin gözlədiyi sadə bir şey var: qanunun işləməsi və şəffaflıq...

Əgər iddialar yalandırsa, bunu rəsmi sənədlərlə təkzib etmək niyə bu qədər çətindir? Yox əgər doğrudursa, onda məsuliyyət haradadır?

Xəbərin oxunma sayı : 607