AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Müharibəni bir aya bitirin” - Tramp Zelenskidən nə istəyib?


Tarix 26.02.26, 11:27	Font ölçüsü : - / +

ABŞ Prezidenti Donald Tramp Ukrayna Prezidenti Volodimir Zelenski ilə telefon danışığında Ukraynadakı müharibəni yaxın vaxtlarda başa çatdırmaq istədiyini bildirib və yay aylarınadək sülh razılaşmasına nail olunacağına ümid etdiyini deyib.

Bu barədə “Axios” mənbələrə istinadən məlumat yayıb.

Məlumata görə, telefon danışığı təxminən 30 dəqiqə davam edib və yanvarın sonunda Davosda keçirilən görüşdən sonra liderlər arasında ilk təmas olub. Tramp və Zelenski arasında söhbət dostluq və müsbət atmosferdə keçib. Zelenski ABŞ-nin dəstəyinə görə təşəkkür edib və bildirib ki, məhz Tramp Rusiyanın Prezidenti Vladimir Putini müharibəni dayandırmağa məcbur edə bilər.

Nəşr yazır ki, Zelenski müharibənin cari il ərzində başa çatacağına ümid etdiyini ifadə edib. Tramp isə cavabında müharibənin həddindən artıq uzun sürdüyünü vurğulayıb və “müharibənin bir ay ərzində bitməsini istərdim” deyib.

Tərəflər həmçinin Zelenski, Tramp və Putinin iştirakı ilə üçtərəfli sammitin keçirilməsi imkanını müzakirə ediblər. Tramp bildirib ki, martın əvvəlində ABŞ, Rusiya və Ukrayna nümayəndələri arasında planlaşdırılan danışıqlarda irəliləyiş olarsa, belə bir görüşün təşkilinə çalışacaq.

“Axios”əlavə edir ki, Putinin xüsusi nümayəndəsi Kirill Dmitriyev Cenevrəyə gələrək ABŞ nümayəndələri ilə danışıqlar apara bilər. TASS agentliyinin mənbəsinin bildirdiyinə görə, fevralın 26-na planlaşdırılan bu görüşlər əsasən iqtisadi məsələlərə həsr olunacaq.

Söhbətdən sonra Zelenski Ukrayna, ABŞ və Rusiya arasında martın əvvəlində üçtərəfli görüşün planlaşdırıldığını açıqlayıb. "Ümid edirik ki, bu, liderlər səviyyəsində danışıqlara keçməyə imkan verəcək. Prezident Tramp bu addımların ardıcıllığını dəstəkləyir", - deyə Ukrayna lideri qeyd edib.

Zelenski bir daha təkrar edib ki, yalnız Putinlə şəxsi görüş "bütün mürəkkəb və həssas məsələləri həll edə və nəhayət müharibəyə son qoya bilər".

Qeyd edək ki, Ukrayna, ABŞ və Rusiya arasında danışıqların növbəti raundu fevralın sonuna planlaşdırılırdı. Lakin Rusiyanın TASS dövlət xəbər agentliyi görüşün təxirə salındığını və yeni yer və vaxtın hələ müzakirə olunduğunu bildirib. Təxirə salınmanın səbəbi göstərilməyib. ABŞ Prezidentinin xüsusi nümayəndəsi Stiv Uitkoff isə dünən deyib ki, növbəti on gün ərzində yeni danışıqlar raundu baş tuta bilər.

Bu arada, Rusiyanın "Verstka" nəşri yazıb ki, Kreml üçtərəfli danışıqlar nəticəsində müharibənin bitəcəyini gözləmir və sentyabr ayında Dövlət Dumasına seçkiləri hərbi gündəm fonunda keçirməyə hazırlaşır.

Xəbərin oxunma sayı : 445