AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Market və avtomobillərdən oğurluq etdi: 2 il 10 ay həbs cəzası aldı


Tarix 23.06.26, 19:32	Font ölçüsü : - / +

Bakıda müxtəlif vaxtlarda avtomobillərdən pul və mobil telefon oğurlamaqda, həmçinin market kassasından pul götürməkdə təqsirləndirilən şəxs məhkəmənin hökmü ilə azadlıqdan məhrum edilib.

AzFakt.com xəbər verir ki, ittihama görə, təqsirləndirilən şəxs 2025-ci ildə paytaxtın müxtəlif ərazilərində bir neçə oğurluq hadisəsi törədib. O, ilk epizodda Xırdalan ərazisində market qarşısında dayanmış avtomobilin salonundan mobil telefon, sim kart, simsiz qulaqcıq, 800 ABŞ dolları, 50 BƏƏ dirhəmi və digər əşyaları oğurlayıb. Nəticədə zərərçəkmiş şəxsə 2 188 manat 14 qəpik məbləğində maddi ziyan dəyib.

Digər epizodda isə o, Bakı şəhərinin Səbail rayonu, Badamdar qəsəbəsində yerləşən marketin qarşısında dayanmış avtomobildən "iPhone 14 Pro” markalı mobil telefon, danışıq nömrəsi və nağd pul oğurlayıb. Bu hadisə nəticəsində zərərçəkmişə 977 manat ziyan dəyib.

İstintaqla müəyyən edilib ki, təqsirləndirilən şəxs daha sonra Badamdar qəsəbəsində yerləşən marketlərdən birində kassaya qanunsuz daxil olaraq oradan 1 160 manat nağd pul götürüb.

Məhkəmədə ifadə verən market sahibi bildirib ki, kassanın açılma səsini eşitdikdən sonra mağazanın girişindən çıxan naməlum şəxsin arxasınca qaçsa da, onu saxlaya bilməyib. Daha sonra təhlükəsizlik kameralarının görüntülərinə baxarkən kassadan pul götürən şəxsin mağazaya mütəmadi gələn və yaxınlıqda kirayədə yaşayan Bayram adlı şəxs olduğunu müəyyən edib.

Təqsirləndirilən şəxs məhkəmədə özünü təqsirli bilməyərək bəzi epizodlarla bağlı məlumatının olmadığını desə də, məhkəmə toplanmış sübutları kifayət hesab edib.

Məhkəmənin hökmü ilə o, Cinayət Məcəlləsinin 177.2.2 və 177.2.3-cü maddələri ilə təqsirli bilinərək 2 il 6 ay müddətinə azadlıqdan məhrum edilib.

Daha əvvəl barəsində çıxarılmış hökm üzrə təyin olunmuş cəza ilə qismən toplama aparılaraq ona qəti olaraq 2 il 10 ay müddətinə azadlıqdan məhrumetmə cəzası təyin edilib.

Xəbərin oxunma sayı : 502