AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

İş vədləri ilə 10 500 manatlıq dələduzluq - İşdə Odlar Yurdu Universiteti də yer alır


Tarix 01.07.26, 16:42	Font ölçüsü : - / +

Bakı şəhərində bir neçə zərərçəkmişə qarşı xüsusilə "işə düzəltmə” və "rəsmi əlaqələrdən istifadə” vədləri ilə həyata keçirildiyi iddia olunan dələduzluq əməlləri üzrə məhkəmə prosesi yekunlaşıb.

Qaynarinfo xəbər verir ki, ittiham aktına əsasən, təqsirləndirilən şəxs özünü yüksək vəzifələrdə çalışan tanışları və geniş əlaqələri olan şəxs kimi təqdim edərək müxtəlif vətəndaşların etibarını qazanıb və onlardan müxtəlif məbləğlərdə pul əldə edib.

İttihama görə, təqsirləndirilən şəxs zərərçəkmişlərdən birinə Bakı şəhərində Yeni Yasamal ərazisində yerləşən yaşayış kompleksində güzəştli ipoteka ilə mənzil əldə ediləcəyini vəd edib. Bildirilib ki, həmin mənzillərin Qarabağ müharibəsi veteranları və hərbiçilər üçün nəzərdə tutulduğu, lakin "tanışlar vasitəsilə” evin əldə olunmasının mümkün olduğu iddia edilib.

Zərərçəkmiş şəxs müxtəlif tarixlərdə ümumilikdə 6350 manat məbləğində pulu hissə-hissə ödəyib. Pul köçürmələrinin bir qismi "E-manat” terminalı vasitəsilə bank kartına, bir qismi isə kafedə nağd şəkildə verilib.

Eyni şəxsin digər zərərçəkmişlərə Xaçmaz rayonunda məktəbdə lobarant, xəstəxanada təcili yardım sürücüsü və digər işlərə düzəltmə vədləri verdiyi iddia olunur.

İttihama görə, bu vədlər qarşılığında müxtəlif üsullarla — "E-manat” terminalı və bank kartlarına köçürmələr, eləcə də nağd ödənişlər formasında ümumilikdə minlərlə manat pul alınıb. Bir epizod üzrə 4200 manat, digər epizod üzrə isə 3000 manat məbləğdə ödənişlərin olduğu qeyd edilir.

İş materiallarında diqqət çəkən epizodlardan biri də Odlar Yurdu Universiteti ilə bağlıdır.

İttihama görə, təqsirləndirilən şəxs zərərçəkmişlərə özünü dövlət qurumlarında və nüfuzlu çevrələrdə əlaqələri olan şəxs kimi təqdim edərək Odlar Yurdu Universitetində kargüzar və digər vəzifələrə işə düzəltmə vədi verib. Bu vədlər qarşılığında müxtəlif vaxtlarda hissə-hissə ödənişlər alınaraq ümumilikdə 6000 manat pulun mənimsəndiyi iddia olunur.

Odlar Yurdu Universitetinin sahibi keçmiş deputat Əhməd Vəliyevdir.

İttihamda göstərilir ki, təqsirləndirilən şəxs oxşar üsullarla digər vətəndaşlara da işə düzəltmə, hərbi hissədə xidmət yerinin dəyişdirilməsi, eləcə də müxtəlif dövlət və özəl qurumlarda iş təminatı vədləri verib. Bu epizodlar üzrə zərərçəkmişlərdən ümumilikdə 10 500 manatadək vəsait alındığı bildirilir.

Məhkəmə təqsirləndirilən şəxsin əməlini Cinayət Məcəlləsinin 178.2.2 və 178.2.4-cü maddələri (təkrar və xeyli miqdarda dələduzluq) ilə tövsif edib.

Hökmə əsasən, ona 3 il 3 ay müddətinə azadlıqdan məhrumetmə cəzası təyin olunub. Daha sonra həbsdə saxlanıldığı müddət nəzərə alınmaqla cəza 2 il 6 ay 2 gün olaraq qəti müəyyən edilib.

Xəbərin oxunma sayı : 367