AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Kollecin əmlakları niyə anbardan götürülmür? - Cinayət işi açılıbmış


Tarix 19.08.26, 17:38	Font ölçüsü : - / +

“Bir ildən çoxdur ki, Bakı Dövlət Universitetinin nəzdində İqtisadiyyat və Humanitar Kollecə məxsus 35 ədəd kompüter və 15 ədəd printer Xırdalanda özəl anbarda qalıb. Anbar sahibinə də heç bir ödəniş edilmir”.

Bu barədə hüquqşünas Əkrəm Həsənov sosial şəbəkə hesabında yazıb.

Onun iddiasına görə, kollecin hazırkı rəhbərliyi sözügedən avadanlıqları götürmək istəmir: “Kolleci su basanda keçmiş rəhbərlik anbar sahibindən xahiş edib ki, müvəqqəti həmin avadanlığı anbarda yerləşdirsin. Kollecin yeni rəhbərliyi isə nə avadanlığı geri götürür, nə də anbar sahibinə icarə haqqı ödəyir. Kollecin keçmiş rəhbərliyinin Elm və Təhsil Nazirliyinə müraciətləri də cavabsız qalıb. Onlara bu avadanlıq lazım deyilsə, bəlkə, müraciət edək bizə bağışlasın? Əlbəttə, əgər BDU, Elm və Təhsil Nazirliyi, Maliyyə Nazirliyi və Hesablama Palatası etiraz etmirsə. Etiraz edirlərsə, bir maraqlansınlar görək dövlət əmlakına niyə belə biganə münasibət bəslənilir?..”

Ə.Həsənov saytımıza açıqlamasında bildirib ki, köhnə rəhbərlik işdən gedəndən sonra təzə gələn rəhbərliyə dəfələrlə bununla bağlı məlumat verilib: “Bu nə üzərinə həbs qoyulan, nə də müsadirə olunan əmlakdır. Əmlak kollecindir və oradan götürülməlidir. Dəfələrlə onların götürülməsi ilə bağlı indiki rəhbərliyə məlumat verilsə də, götürülmür”.

İddialara aydınlıq gətirmək üçün Bakı Dövlət Universitetinin nəzdində İqtisadiyyat və Humanitar Kollecə ünvanladığımız sorğuya belə cavab aldıq: “Sözügedən məsələyə Azərbaycan Respublikası Baş Prokuroru yanında Korrupsiyaya qarşı Mübarizə Baş İdarəsinin İstintaq İdarəsində aparılan araşdırma nəticəsində hüquqi qiymət veriləcək. İstintaq yekunlaşandan sonra qeyd olunan məsələyə dair məlumat verilə bilər”.

Baş Prokurorluqdan isə sorğumuza cavab olaraq bildirilib ki, qeyd olunan faktla bağlı Azərbaycan Respublikası Baş prokuroru yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə başlanmış cinayət işi üzrə ibtidai istintaq davam etdirilir.

İbtidai istintaqın nəticələrinə uyğun olaraq məsələyə hüquqi qiymət veriləcək.

Xəbərin oxunma sayı : 256