AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Rusiya ABŞ diplomatlarını qovur - Səfirlik işçilərinin vizaları uzadılmayıb


Tarix 02.12.21, 14:40	Font ölçüsü : - / +

Rusiya Moskvadakı ABŞ səfirliyinin işçilərindən bir qrupuna yanvarın 31-dək ölkəni tərk etmək göstərişi verib. Xarici İşlər Nazirliyinin sözçüsü Mariya Zaxarova dekabrın 1-də deyib ki, üç ildən çox Moskvada işləmiş səfirlik əməkdaşları gələn ayın sonuna kimi getməlidirlər.

Rusiyanın ABŞ-dakı səfiri Anatoli Antonov isə ötən həftə deyirdi ki, Rusiyanın 27 diplomatı yanvarın 30-dək ölkədən gedəcək, çünki vizaları uzadılmayıb. İyunun 30-dək eyni sayda Rusiya diplomatı ABŞ-ı tərk etmişdi. Səfirin sözlərinə görə, Vaşinqtonun vizaları uzatmaması diplomatların qovulması deməkdir.

“Buna müvafiq yolla cavab vermək fikrindəyik. Gələn il iyulun 1-cən Vaşinqton üçillik xidmət qaydasını qaldırmasa və kompromisə getməsə, Dövlət Departamentinin elan etdiyi rusiyalıların sayına mütənasib sayda ABŞ diplomatı gedəcək”, – o vurğulayıb.

Dövlət Departamentinin sözçüsü isə deyib ki, ABŞ-ın hərəkəti rusiyalı diplomatların qovulması demək deyil, Moskvaya ötən il bildirilib ki, üç illik xidmət qaydası onun diplomatlarına aid ediləcək.

“Rusiya hökumətinə məlumat verilib ki, gedənlərin yerinə diplomatik korpusun digər üzvlərini təyin edə bilər. Yeni prosedur cəza məqsədi daşımır, ABŞ-Rusiyanın ikitərəfli missiyaları arasında daha böyük tarazlıq naminə tətbiq edilir”, – sözçü deyib.

Rusiya və Birləşmiş Ştatlar bir neçə dəfə bir-birinin diplomatlarını qovub, diplomatik missiyalara məhdudiyyətlər qoyublar.

Rusiya 2014-cü ildə Ukraynanın Krım yarımadasını ilhaq edəndən, Ukraynanın şərqində separatçıları dəstəkləməyə başlayandan münasibətlərdə gərginlik artıb. Bunda başqa ABŞ Rusiyanı seçkilərə müdaxiləyə, kiberhücumlara, digər məkirli hərəkətlərə, müxalifətçi Aleksey Navalnının zəhərlənməsi və həbsinə görə ittiham edir.

İyulda ABŞ-ın diplomatik missiyaları əməkdaşlarını ixtisar etməli olub. Rusiya Birləşmiş Ştatların yerli sakinləri işə götürməsini yasaqlayıb. Vladivostok və Yekaterinburqda konsulluqlar bağlanıb və hazırda Moskvadakı səfirlik ABŞ-ın bu ölkədəki yeganə missiyasıdır.

Vaşinqton rusiyalı diplomatları qovandan sonra Rusiya da ABŞ missiyalarının qeyri-amerikalı işçi götürməsini qadağan etdi.

2017-ci ildə ABŞ-ın Rusiyada 1200 diplomatı vardı, indi onların sayı 120-yə düşüb. Rusiyanın isə ABŞ-da, BMT-dəki missiya daxil, 400 akkreditə olunmuş diplomatı var. (azadliq.org)

Xəbərin oxunma sayı : 925