AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Uzunmüddətli inkişaf strategiyası


Tarix 28.09.26, 18:29	Font ölçüsü : - / +

Prezident İlham Əliyev II Azərbaycan Beynəlxalq İnvestisiya Forumu çərçivəsində keçirilən tədbirdə çıxış edərək Azərbaycanın iqtisadi inkişaf perspektivləri, investisiya imkanları, enerji siyasəti, nəqliyyat və logistika potensialı, rəqəmsal transformasiya və insan kapitalının inkişafı ilə bağlı mühüm fikirlər səsləndirdi.

Dövlət başçısı qeyd etdi ki, son illərdə həyata keçirilən məqsədyönlü iqtisadi siyasət və genişmiqyaslı layihələr ölkənin gələcək inkişafı üçün möhkəm zəmin yaradıb. Sabit iqtisadiyyatın və müstəqil maliyyə sisteminin formalaşdırılması Azərbaycanın uzunmüddətli inkişaf strategiyasının mühüm şərtlərindən biri kimi diqqətə çatdırıldı.

Ölkə başçısı uzunmüddətli və dayanıqlı iqtisadi artıma nail olmaq üçün neft-qaz sektorundan kənarda mövcud potensialdan daha geniş istifadə edilməsinin vacibliyini vurğuladı. Bu baxımdan bərpaolunan enerji, nəqliyyat və logistika, rəqəmsal infrastruktur və digər qeyri-neft sahələri Azərbaycanın gələcək inkişafında mühüm istiqamətlər kimi önə çıxır.

Bərpaolunan enerji xüsusi perspektivli sahələrdən biri kimi qeyd edildi. Azərbaycanın Xəzər dənizində böyük külək enerjisi potensialına malik olduğu bildirildi. Quruda Günəş və külək elektrik stansiyalarının fəaliyyət göstərməsi də ölkənin yaşıl enerji imkanlarını genişləndirir. Qarşıdakı illərdə bərpaolunan enerji mənbələrinin inkişaf etdirilməsi, elektrik enerjisi istehsalında təbii qazdan istifadənin minimuma endirilməsi və əldə olunan qaz ehtiyatlarının daha çox ixrac məqsədilə yönəldilməsi nəzərdə tutulur.

Prezident İlham Əliyev enerji istehsalı ilə yanaşı, elektrik enerjisinin ötürülməsi və saxlanılması məsələlərinin də mühüm əhəmiyyət daşıdığını vurğuladı. Azərbaycan regionun enerji təchizatında rolunu artırmaqla yanaşı, Avropa enerji bazarlarına çıxış imkanlarını da genişləndirməyə çalışır. Xəzər dənizinin dibi ilə elektrik kabelinin çəkilməsi, eləcə də Azərbaycanı Gürcüstan və Rumıniya vasitəsilə Avropa enerji bazarları ilə birləşdirəcək layihələr bu istiqamətdə mühüm addımlardır.

Çıxışda Azərbaycanın iqtisadi inkişafının digər mühüm istiqaməti kimi nəqliyyat, logistika və regional bağlantılar da xüsusi qeyd edildi. Ölkənin tranzit imkanlarının artırılması məqsədilə son illərdə dəmir yollarına, avtomobil yollarına, dəniz limanlarına və hava nəqliyyatına böyük həcmdə investisiyalar yatırılıb.

Azərbaycanın həm Şərq-Qərb, həm də Şimal-Cənub nəqliyyat dəhlizləri üzərində yerləşməsi ölkəyə mühüm tranzit üstünlüyü qazandırır. Dövlət başçısı Azərbaycan ərazisindən keçən tranzit yüklərin həcminin sürətlə artdığını və qarşıdakı illərdə bu göstəricinin daha da yüksəldilməsinin qarşıya məqsəd qoyulduğunu bildirdi.

Azərbaycanın dənizə birbaşa çıxışı olmayan ölkə olmasına baxmayaraq, regional əməkdaşlıq, müasir infrastruktur və əlverişli biznes mühiti hesabına tranzit imkanlarını genişləndirməsi diqqətə çatdırıldı. Eyni zamanda, nəqliyyat sektorunda yalnız fiziki infrastrukturun yaradılmasının kifayət etmədiyi, rəqəmsallaşma və gömrük inzibatçılığının da müasir tələblərə uyğunlaşdırılmasının vacibliyi vurğulandı.

Bu baxımdan Azərbaycanın regional logistika və rəqəmsal bağlantı mərkəzinə çevrilməsi istiqamətində həyata keçirilən layihələr xüsusi əhəmiyyət daşıyır. Ölkənin coğrafi mövqeyi, enerji imkanları və Avropa ilə Asiyanı birləşdirən nəqliyyat və kommunikasiya xətləri rəqəmsal infrastrukturun inkişafı üçün əlavə üstünlüklər yaradır. Xəzər dənizinin dibi ilə yeni fiber-optik kabel layihələrinin həyata keçirilməsi də Azərbaycanın regional rəqəmsal bağlantı imkanlarını daha da genişləndirəcək.

Bütün bunlar göstərir ki, Azərbaycanın qarşıdakı dövr üçün inkişaf strategiyası yalnız mövcud iqtisadi imkanların qorunmasına deyil, həm də yeni və perspektivli sahələrin inkişaf etdirilməsinə əsaslanır. Enerji, logistika, rəqəmsal texnologiyalar və insan kapitalına yatırımlar ölkənin iqtisadi potensialının daha da gücləndirilməsi baxımından mühüm əhəmiyyət daşıyır.

Orxan Həsənli

Xəbərin oxunma sayı : 121