AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Çörək bahalaşa bilər: – 5 aşağı, 5 yuxarı…


Tarix 11.08.23, 18:24	Font ölçüsü : - / +

İngiltərənin “The Financial Times” qəzeti yazıb ki, “Taxıl sazişi”nin dayandırılmasının nəticələri fəlakətli ola bilər.

Bildirilib ki, Qara dənizdə Rusiya və Ukrayna taxılının əvəzləyicisi yoxdur.

Qeyd olunub ki, “Taxıl sazişi”nin dayanması dünya bazarında taxılın qiymətlərinin artmasına səbəb ola bilər. Bunun isə Rusiyaya sanksiyalardan dəyən ziyanı kompensasiya etmə fürsətinin yaradacağı vurğulanıb.

Bəs “Taxıl sazişi”nin uzadılmamasının Azərbaycana hansı təsirləri olacaq?

AzFakt.com-un məlumatına görə, mövzu ilə bağlı Cebhe.info-ya açıqlama verən iqtisadçı-alim Fuad İbrahimov bildirib ki, əslində “Taxıl sazişi”nin uzadılmaması məsələsi ötən il də gündəmə gəlmişdi:

“Lakin qardaş Türkiyəyə bu prosesə müdaxilə edəndən sonra “Taxıl sazişi”nin müddəti uzadıldı. Burada məqsəd Ukraynanın öz məhsullarını bazara çıxara bilməsi idi. Müharibədən öncə dünyanın birinci taxıl ixracatçısı Rusiya, beşinci ixracatçısı isə Ukrayna idi.

Əlbəttə ki, birdən-birə oyundan birinci və beşinci ixaracatçı çıxanda bu təlatüm yaşanmalı idi. Keçən il dünya bazarları buna dərhal reaksiya verdi və qiymətlər kəskin bahalaşdı. Həmçinin, digər ixracatçılar da panikaya düşərək, dərhal kvotalar tətbiq etdilər.

Bunun da nəticəsində qiymətlər bahalaşdı. O cümlədən Azərbaycan kimi, taxıl idxal edən ölkələrdə də çörəyin qiyməti cüzi artdı. Lakin növbəti ildə dünya bu prosesə kəskin incəliklə yaxınlaşdı. Hətta BMT-nin hesabatlarına görə, bu il əkin prosesləri də 1-2% artdığını göstərdi. Artıq hər bir ölkə ehtiyatlarını bərqərar etdi və istehsal prosesi artdı”.

Ekspert qeyd edib ki, bu gün Odessa və digər limanların bağlanması Ukraynanın taxıl istehsalına təsir etməməlidir:

“Xarkov bölgəsində müharibənin getdiyini başa düşürük. Amma Vinnitsa və Çerniqov Rumıniya ilə sərhəddə yerləşir. Orada da kommunikasiyalar var. Hazırda Odessa limanına daşınan taxıl Rumıniyanın Konstanta limanına da daşına bilər. Rusiyanın Rumıniyanın limanlarını da vura biləcəyini düşünmürəm. Çünki bunun baş verməsi açıq-aşkar Üçüncü Dünya müharibəsinə gətirib çıxarar.

Görünür, Afrika ölkələrinin də gözündən Rusiyanı salmaq üçün spekulyasiya edirlər. Ağlı başında olan insan xəritəyə diqqət yetirəndə görür ki, taxılı digər limanlardan daşımaq mümkündür. Bunu qabardaraq dünya bazarlarında taxılın qiymətini süni şəkildə bahalaşdırmaq nə dərəcədə vacibdir? Amma Qərb bu müharibədə həmin yola əl atır”.

Fuad İbrahimov bildirib ki, “Taxıl sazişi”nin uzadılmaması dünya və Azərbaycan bazarlarında ciddi bahalaşmaya səbəb olmayacaq:

“Azərbaycan strateji məhsulların ehtiyatlarının saxlanılması nöqteyi-nəzərdən bölgədəki ən tədbirli ölkələrdən biridir. Yəni anbarlarımızda kifayət qədər taxıl var.

Bundan başqa, əkin sahələrimizdə də bu il kifayət qədər məhsuldarlıq mövcuddur. Əgər hansısa bir problem belə baş versə, Azərbaycanın maliyyə dayanıqlılığı cəhətdən və yaxud da barter vasitəsi ilə bunu aradan qaldırmaq imkanları var.

Yəni bu nöqteyi-nəzərdən ölkəmizdə hər hansısa problem gözlənilmir. Xatırladım ki, bu yaxınlarda dünya bazarlarında taxılın qiymətinin aşağı düşməsi ilə Azərbaycanda çörəyin qiyməti 5 qəpik ucuzlaşmışdı. Lap çıxılmaz vəziyyətdə qalsaq, çörəyin qiymətində yenidən 5 qəpiklik bahalaşmanı görə bilərik. O isə faiz dərəcəsi çox az olan proqnozlardan biridir”.

Xəbərin oxunma sayı : 985